Border News Agency
လယ်မူလား၊ မေ ၂၅။
လယ်မူလားမြို့နယ်မှာ အာဏာသိမ်းစစ်တပ်လေကြောင်းတိုက်ခိုက်လို့ မူကြိုကျောင်းတကျောင်းပျက်စီးသွားတယ်လို့ ကရင်အမျိုးသားအစည်းအရုံး မှ မေလ ၂၄ရက်၊ မနေ့က ထုတ်ပြန်ပါတယ်။
အဲဒီလယ်မူလားမြို့နယ်၊ ထီးမိုပွာထပ်ခေါကျေးရွာအုပ်စု၊ ဖားကွင်းကျေးရွာကို မေလ၂၂ ရက်၊နေ့လည်၂ နာရီအချိန်ခန့်က အာဏာသိမ်းစစ်တပ်မှ တိုက်လေယာဉ်နဲ့ ပေါင်၅၀၀ဗုံးနှစ်လုံးနဲ့တိုက်ခိုက်ခဲ့တာလို့ဆိုပါတယ်။
အဲဒီလိုတိုက်ခိုက်ခဲ့တာကြောင့် ဖားကွင်းကျေးရွာမှ မူကြိုစာသင်ကျောင်းတကျောင်းထိခိုက်ပျက်စီးသွားခဲ့တယ်လို့ ဆိုပါတယ်။
အာဏာသိမ်းစစ်တပ်ဟာ အရပ်သားပြည်သူတွေကို ပစ်မှတ်ထားတိုက်ခိုက်တာတွေကို နေ့စဉ်ရက်ဆက်လုပ်ဆောင်လာနေတာကြောင့် ကော်သူးလေအုပ်ချုပ်မှုနယ်မြေတွေမှာနေထိုင်တဲ့ အရပ်သားပြည်သူတွေအနေနဲ့ စိုးရိမ်ထိတ်လန့် ကြောက်ရွံ့မှုတွေနဲ့ အသက်ရှင်နေထိုင်နေကြရတယ်လို့ ဆိုပါတယ်။
