Border News Agency
လောက်ကိုင်၊ စက်တင်ဘာ ၃၀။
အမျိုးသားဒီမိုကရက်တစ်မဟာမိတ်တပ်မတော်(MNDAA)ထိန်းချုပ်နယ်မြေအတွင်းအထူးဒေသ ၁ သိန္နီခရိုင်မှာ မွမ်းမံသင်တန်းဆင်းပွဲပြုလုပ်ခဲ့တယ်လို့ စက်တင်ဘာလ ၂၉ ရက်၊မနေ့ကထုတ်ပြန်ပါတယ်။
အဲဒီသင်တန်းဆင်းပွဲကိုမုံးကိုးခရိုင်၊ မုံးကိုးမြို့နယ်မှာ စက်တင်ဘာလ ၂၆ ရက်နေ့ကပြုခဲ့တာဖြစ်ပြီးသင်တန်းသား ၈၄ ဦးတက်ရောက်ခဲ့တယ်လို့ဆိုပါတယ်။
အဲဒီမွမ်းမံသင်တန်းကို ပြီးခဲ့တဲ့ ဩဂုတ်လ ၂၅ ရက်နေ့က စတင်ခဲ့ပြီးတလကြာမြင့်ခဲ့တယ်လို့ဆိုပါတယ်။
အဲဒီမြို့နယ်အုပ်ချုပ်ရေးကော်မတီ၊ မြို့နယ်တပ်ရင်း၊ မီးသတ်တပ်ဖွဲ့၊ ယာဉ်ထိန်းတပ်ဖွဲ့စတဲ့ဌာနဆိုင်ရာတွေမှ ဝန်ထမ်းတွေပါဝင်ပြီး စနစ်တကျပေးအပ်တဲ့စုစည်းသင်တန်းတွေကတဆင့်တပ်ဖွဲ့ရဲ့ စည်းလုံးညီညွတ်မှုနဲ့လုပ်ငန်းစွမ်းဆောင်ရည်ကို ပိုမိုမြှင့်တင်ဖို့ရည်ရွယ်တယ်လို့ဆိုပါတယ်။
