Border News Agency
ပုဏ္ဏားကျွန်း၊ နိုဝင်ဘာ ၇။
အာရက္ခတပ်တော်(AA)ထိန်းချုပ်ထားတဲ့ ပုဏ္ဏားကျွန်းမြို့နယ်က ကျေးရွာသုံးရွာကို နိုဝင်ဘာလ ၇ ရက်၊ ဒီနေ့ စစ်ကော်မရှင်တပ်တိုက်ခိုက်လို့ ငါးဦးသေဆုံးပြီးကိုးဦးဒဏ်ရာရသွားပါတယ်။
အဲဒီပုဏ္ဏားကျွန်းမြို့နယ်၊ ကွမ်းတောင်ကျေးရွာကို နိုဝင်ဘာလ ၇ ရက်၊ ဒီနေ့၊ မနက် ၁၁ နာရီအချိန်ခန့်က စစ်တွေအခြေစိုက်တပ်ရင်းကတိုက်ခိုက်လို့ ကွမ်းတောင်ကျေးရွာက အသက်ငါးဆယ့်ငါးနှစ်အရွယ် ဦးသန်းမောင်ဒဏ်ရာရသွားတာပါ။
အဲဒီပုဏ္ဏားကျွန်းမြို့နယ်၊ အောင်ဖြူပြင်ကျေးရွာကိုလည်း နိုဝင်ဘာလ ၇ ရက် ၊ ဒီနေ့၊ နေ့လည်၁၁ နာရီ ၂၀ မိနစ်အချိန်က စစ်ကော်မရှင်တပ် ဗုံးကြဲတိုက်ခိုက်လို့ ဒေါ်လှရွှေနုဗုံးစထိမှန်ပြီး ညာဖက်ပေါင်ဒဏ်ရာရသွားပါတယ်။
အဲဒီအပြင် ပုဏ္ဏားကျွန်းမြို့နယ်၊ ယိုးတရုတ်ကျေးရွာကို နိုဝင်ဘာလ ၇ ရက်၊ ဒီနေ့၊ မနက် ၁၁ နာရီ ၃၀ မိနစ်အချိန်က စစ်ကော်မရှင်တပ် လေကြောင်းတိုက် ခိုက်လို့ ကလေးနှစ်ဦးအပါအဝင် ငါးဦးသေဆုံးပြီး ခုနှစ်ဦးဒဏ်ရာရသွားပါတယ်။
အဲဒီပုဏ္ဏားကျွန်းမြို့နယ်ကို စစ်ကော်မရှင်တပ် လေကြောင်းတိုက်ခိုက်တာတွေ မကြာခဏပြုလုပ်နေတာမို့ အရပ်သားပြည်သူတွေ မကြာခဏသေဆုံးဒဏ်ရာ
ရနေကြပါတယ်။
အဲဒီပုဏ္ဏားကျွန်းမြို့နယ်နဲ့ စစ်တွေမြို့နယ်ကြားမှာ အာရက္ခတပ်တော်နဲ့စစ်ကော်မရှင်တပ်ကြား အပြန်အလှန်ပစ်ခတ်မှုတွေ မကြာခဏဖြစ်နေသလိုစစ်ရေးတ င်းမာမှု အမြင့်ဆုံးဖြစ်နေ့တယ်လို့ ဆိုကြပါတယ်။
အာရက္ခတပ်တော်ထိန်းချုပ်ထားတဲ့ ပုဏ္ဏားကျွန်းမြို့နယ်ကို စစ်ကော်မရှင်တပ် ပြန်သိမ်းဖို့ကြိုးစားပြင်ဆင်နေပြီး ပုဏ္ဏားကျွန်းမြို့နယ်မှာ ခြေကုတ်ယူထိုးစစ်ဆင်ဖို့ စစ်အင်အားဖြည့်ပြင်ဆင်နေတယ်လို့ မြေပြင်စစ်ရေးသတင်းရင်းမြစ်တွေက ဆိုကြပါတယ်။
အဲဒီပုဏ္ဏားကျွန်းမြို့နယ်ဟာ ပြည်နယ်စစ်ကော်မရှင်ရုံးစိုက်ထားတဲ့ စစ်တွေမြို့ နယ်နဲ့ နယ်နိမိတ်ဆက်စပ်နေသလို ကုလားတန်စီမံကိန်း ဖြတ်သန်းလာလမ်း ကြောင်းမှာ တည်ရှိနေပါတယ်။
အဲဒီပုဏ္ဏားကျွန်းမြို့နယ်ကို ပြီးခဲ့တဲ့ ၂ ၀၂၄ခုနှစ်၊ မတ်လ ၄ ရက်နေ့က အာရက္ခတပ်တော်မှ အပြီးသတ်သိမ်းပိုက်ထိန်းချုပ်ထားတာမို့ ဒေသကွပ်ကွဲမှု စစ်ဌာနချုပ်တည်ရှိရာ ပြည်နယ်မြို့တော်စစ်တွေကို စစ်ရေးအရခြိမ်းခြောက်ထားပါတယ်။
စစ်ကော်မရှင်တပ်ဟာ ရွှေမင်းဂံအမှတ် ၃ ဗျူဟာစစ်ရေယာဉ်စုတပ်ရင်းနေရာအပါအဝင် စစ်တွေမြို့နယ်ကို ဝင်ရောက်လာနိုင်တဲ့ ပုဏ္ဏားကျွန်းမြို့နယ်၊ ရသေ့တောင်မြို့နယ် အနီးအနားနေရာအားလုံးမှာ ရေတပ်စစ်သင်္ဘောတွေ၊ အထိုင်ခံစစ်တွေပြုလုပ်ပြီး အင်အားထောင်ချီဖြည့်တင်း ခံစစ်ပြုလုပ်ထားပြီမို့ စစ်တွေမြို့နယ်ကို အာရက္ခတပ်တော် ဝင်ရောက်တိုက်ခိုက်သိမ်းပိုက်ဖို့ မလွယ်တော့ဘူးလို့ စစ်ကော်မရှင်တပ်အသိုင်းအဝိုင်းက ဆိုကြပါတယ်။
အဲဒါကြောင့် စစ်ကော်မရှင်တပ်ရဲ့ကြည်း၊ ရေ၊ လေ ပူးပေါင်းထိုးစစ်ဆင်တိုက်ခိုင်ပြန်သိမ်းနိုင်မယ့် ပုဏ္ဏားကျွန်းမြို့နယ်ဟာ စစ်ကော်မရှင်တပ် ပထမဆုံးပြန်
သိမ်းဖို့ ထိုးစစ်ဆင်မယ့်မြို့နယ်ဖြစ်နိုင်တာမို့ အရပ်သားးပြည်သူတွေ၊ စစ်ဘေးရှောင်တွေ ကြိုတင်ပြင်ဆင်သတိထားသင့်တယ်လို့ စစ်ရေးလေ့လာစောင့်ကြည့်နေကြသူတွေက ဆိုကြပါတယ်။
