Border News Agency
ဗင်နီဇွဲလား၊ ဇွန် ၁၄။
ဗင်နီဇွဲလားအခြေစိုက် Tren de Aragua ရာဇဝတ်ဂိုဏ်းခေါင်းဆောင် ဟက်တာ ဂွေရဲရိုး (ခေါ်) နီညိုဂွေရဲရိုးကို အမေရိကန်တပ်ဖွဲ့တွေက တိုက်ခိုက်သတ်ဖြတ်လိုက်ပြီလို့ သမ္မတဒေါ်နယ်ထရမ့်က ကြေညာလိုက်ပါတယ်။
ဒီစစ်ဆင်ရေးကို ဗင်နီဇွဲလားအစိုးရနဲ့ ပူးပေါင်းလုပ်ဆောင်ခဲ့တာဖြစ်ပြီး ဗင်နီဇွဲလားဘက်ကလည်း သူတို့နိုင်ငံထဲမှာဖြစ်ပွားခဲ့တဲ့ ရာဇဝတ်ဂိုဏ်းတွေနဲ့ ထိပ်တိုက်တွေ့ဆုံမှုအတွင်း ဂွေရဲရိုးသေဆုံးသွားတာကို အတည်ပြုပေးထားပါတယ်။
အမေရိကန်ကာကွယ်ရေးဝန်ကြီး ပီတီဟက်ဆတ်ရဲ့ ပြောကြားချက်အရတော့ ဒီတိုက်ခိုက်မှုကို ဒီတပတ်အတွင်းမှာပဲ ဗင်နီဇွဲလားနိုင်ငံထဲက ဂိုဏ်းရဲ့ ဌာနချုပ်တခုကို ပစ်မှတ်ထားလုပ်ဆောင်ခဲ့တာလို့ သိရပါတယ်။
Tren de Aragua ဂိုဏ်းဟာ မူးယစ်ဆေးဝါးမှောင်ခိုကူးမှုတွေ၊ ရာဇဝတ်မှုတွေနဲ့ နာမည်ဆိုးနဲ့ကျော်ကြားပြီး အမေရိကန်ကတော့ ဒီအဖွဲ့ကို “အကြမ်းဖက်အဖွဲ့” အဖြစ်သတ်မှတ်ထားတာပါ။
ဂိုဏ်းခေါင်းဆောင် ဂွေရဲရိုးဟာ ၂၀၂၃ ခုနှစ်မှာ ဗင်နီဇွဲလားအကျဉ်းထောင်တခုကနေ ထွက်ပြေးလွတ်မြောက်သွားသူဖြစ်ပြီး နယူးယောက်တရားရုံးကလည်း သူ့ကို အမှုပေါင်းများစွာနဲ့ တရားစွဲဆိုထားတာဖြစ်ပါတယ်။
ဒါပေမယ့် ဒီတိုက်ခိုက်မှုတွေနဲ့ပတ်သက်ပြီး ဝေဖန်မှုတွေလည်းရှိနေပါတယ်။ အမေရိကန်ရဲ့ တိုက်ခိုက်မှုတွေဟာ နိုင်ငံတကာဥပဒေအရ တရားမဝင်ဘူးလို့ ဥပဒေပညာရှင်တွေနဲ့ လူ့အခွင့်အရေးအဖွဲ့တွေက ဆိုထားပါတယ်။
တချို့တိုက်ခိုက်မှုတွေမှာ အရပ်သားတံငါသည်တွေ သေဆုံးခဲ့ရတဲ့အထိဖြစ်ပွားခဲ့ပြီး အခုလိုလုပ်ရပ်တွေဟာ တရားစီရင်ရေးမပါတဲ့ သတ်ဖြတ်မှုတွေ (extrajudicial killings) ဖြစ်တယ်လို့လည်း ထောက်ပြနေကြပါတယ်။
