Border News Agency
ရန်ကုန်၊ ဩဂုတ် ၂၄။
ရန်ကုန်မြို့၊ဗဟန်းမြို့နယ်မှာ ငွေကျပ်သိန်း ၅,၇၀၀ တန်ဖိုးရှိ အက်တက်စီ၊ကက်တမင်းနဲ့ Happy Water စတဲ့စိတ်ပြောင်းဆေးဝါးတွေကို မော်တော်ယာဉ် ၁ စီးနဲ့အတူဖမ်းဆီးရမိခဲ့တယ်လို့ မူးယစ်တားဆီးနှိမ်နင်းရေး ရဲတပ်ဖွဲ့က သြဂုတ်လ ၂၄ ရက်နေ့ထုတ်ပြန်ပါတယ်။
အဲဒီဗဟန်းမြို့နယ်၊ဆရာစံရပ်ကွက်မှာ စိုင်းဟန်လှိုင်းမောင်းနှင်လာတဲ့ SUZUKI ERTIGA ယာဉ်ကို သြဂုတ်လ ၂၂ ရက်၊ညပိုင်းက ရပ်တန့်စစ်ဆေးရာမှ ဆေးဝါးတွေကိုသိမ်းဆည်းရမိခဲ့တာပါ။
ယာဉ်ပေါ်မှ အက်တက်စီဆေးပြား ၁,၀၀၀ ပြား၊ကက်တမင်း ၂.၅ ကီလို၊Happy Water ၅.၇၅ ကီလိုနဲ့ Happy Water ပါရှိတဲ့ Vape ခေါင်း ၂၅၀ ခုကိုတွေ့ရှိခဲ့တာဖြစ်ပါတယ်။
အဲဒီအသက် ၃၁ နှစ်အရွယ် စိုင်းဟန်လှိုင်းကို ဗဟန်းမြို့မရဲစခန်းတွင် မူးယစ်ဥပဒေနဲ့အမှုဖွင့်ထားပြီး ကွင်းဆက်တွေကို ဆက်လက်ဖော်ထုတ်နေတယ်လို့ဆိုပါတယ်။
