Border News Agency
မကွေး၊ဇွန် ၆။
မကွေးတိုင်း၊ပေါက်မြို့နယ်အရှေ့ပိုင်းမှာရှိတဲ့ ရေပြာရဲစခန်းနဲ့ ကုက္ကိုစုကျေးရွာ ပျူစောထီးစခန်းတို့ကို တော်လှန်ရေးပူးပေါင်းတပ်ဖွဲ့တွေက တိုက်ခိုက်သိမ်းပိုက်လိုက်ပါတယ်။
အဲဒီတိုက်ပွဲအတွင်းမှာ အာဏာသိမ်းစစ်တပ်ဘက်က ၄၀ ကျော် သေဆုံးခဲ့ပြီး စစ်သုံ့ပန်း ၂၀ ကျော်ကိုလည်း အရှင်ဖမ်းဆီးရမိခဲ့တယ်လို့ သိရပါတယ်။
အဲဒီစခန်းနှစ်ခုကို တော်လှန်ရေးပူးပေါင်းတပ်ဖွဲ့တွေက ပြီးခဲ့တဲ့ ဇွန်လ ၂ ရက်၊မနက် ၄ နာရီခန့်မှာ စတင်ဝင်ရောက်တိုက်ခိုက်ခဲ့တာဖြစ်ပြီး ဇွန်လ ၄ ရက်၊နေ့လည်ပိုင်းမှာတော့ အပြီးပိုင် တိုက်ခိုက်သိမ်းပိုက်နိုင်ခဲ့တာ ဖြစ်ပါတယ်။
တိုက်ပွဲအပြီးမှာတော့ အာဏာသိမ်းစစ်တပ်ဆီကနေ သေနတ် ၃၀ ကျော်နဲ့ခဲယမ်းမီးကျောက်အချို့ကိုလည်း သိမ်းဆည်းရမိခဲ့ပါတယ်။
အဲဒီနေရာတွေမှာ တော်လှန်ရေးတပ်ဖွဲ့တွေက နယ်မြေရှင်းလင်းရေးလုပ်ငန်းတွေကို ဆက်လက်လုပ်ဆောင်နေပြီးညအာဏာသိမ်းစစ်တပ်ဘက်က စစ်ကြောင်းထိုးလာနိုင်တာကြောင့် စစ်ရေးအခြေအနေကတော့ ဆက်လက်တင်းမာနေဆဲပဲဖြစ်ပါတယ်။
