Border News Agency
မဲဆောက်၊ ဩဂုတ် ၁၄။
ထိုင်းနိုင်ငံ၊မဲဆောက်မြို့၊ဘန်ဆောင်ခွဲအာရှလမ်းသစ်၊အမှိုက်ပုံသွားရာ လမ်းဆုံအနီး ဂငယ်ကွေ့မှာ ဩဂုတ်လ ၁၃ ရက်၊ည ၇ နာရီအချိန်က အမျိုးသားတဦး ကားသုံးစီးဆင့်တိုက်ခံရလို့ သေဆုံးသွားခဲ့ပါတယ်။
စက်ဘီးစီးလာတဲ့အမျိုးသားဟာ လမ်းဖြတ်ကူးချိန်မှာ ကားတစီးကပထမဦးဆုံးတိုက်မိခဲ့ပြီး လမ်းပေါ် လဲကျနေချိန် နောက်ထပ် ကားနှစ်စီးက အရှိန်နဲ့ထပ်မံတက်ကြိတ်မိသွားခဲ့တာလို့ မျက်မြင်တွေ့ရှိသူတဦးကဆိုပါတယ်။
သေဆုံးသူထံမှာ ဘယ်မှတ်ပုံတင်အထောက်အထားစာရွက်စာတမ်းမှမတွေ့ရဘဲ ဦးခေါင်းပျက်စီးဒဏ်ရာတွေနဲ့ လမ်းပေါ်မှာ ပွဲချင်းပြီးသေဆုံးခဲ့တာပါ။
အဲဒီသေဆုံးသူရဲ့ အလောင်းနဲ့ အစိတ်အပိုင်းများကို ကန်ချနဘူရီမဲဆောက်ကယ်ဆယ်ရေးအဖွဲ့ကသယ်ဆောင်ပြီး မဲဆောက် ဆေးရုံကြီးသို့ ပို့ဆောင်ပေးထားထားပါတယ်။
