Border News Agency
ထိုင်း၊ဩဂုတ် ၂၄။
ထိုင်းနိုင်ငံ၊ နန်းခရိုင်၊ ပူးမြို့နယ်မှာ သြဂုတ်လ ၂၄ ရက်၊ဒီနေ့ မနက်က ရေဘေးသင့်ဒေသတွေကိုဝန်ထမ်းတွေနဲ့ ကူညီရေးအဖွဲ့တွေက ရှင်းလင်းရေးပြုလုပ်ပေးနေပေမယ့် လမ်းကြားတွေနဲ့စက်ယန္တရားကြီးတွေ မဝင်နိုင်တဲ့နေရာတွေမှာ အမှိုက်နဲ့ ရွှံ့နွံတွေပုပ်ပွပြီး အနံ့ဆိုးရွားမှုတွေဖြစ်နေပါတယ်။
အဲဒီဝိုရနခွန်ကျေးရွာအုပ်စု၊ ကဲမ်ရတ်ဖတ်ထနာကျေးရွာမှာ သစ်ကိုင်းတွေ၊ သစ်မြစ်တွေနဲ့ သေဆုံးနေတဲ့ သတ္တဝါအလောင်းတွေ ရွှံ့နွံနဲ့ရောနှောကာ ရက်အတန်ကြာပိတ်မိနေတာကြောင့် ရွာသားတွေကအမှိုက်တွေကို အပြင်ထုတ်ပုံထားရပြီး အနံ့ဆိုးတွေထွက်ကာ ဒုက္ခရောက်နေကြတာပါ။
ဒီအတွက်ပူးမြို့နယ်အုပ်ချုပ်ရေးမှူးက ပုဂ္ဂလိကကဏ္ဍနဲ့ညှိနှိုင်းပြီး ရေဘေးကြောင့်ထွက်လာတဲ့ အမှိုက်နဲ့ ရွှံ့နွံတွေကိုစွန့်ပစ်ဖို့ မြေဧရိယာ ၄၂ ရိုင် (၁၆ ဧကခွဲခန့်) ကို ပြင်ဆင်ထားပါတယ်။
အဲဒီစွန့်ပစ်မြေနေရာတွေမှာ နဝနခွန်ကျေးရွာအုပ်စုမှာဆယ့်ခုနှစ်ရိုင်နဲ့ ချိုင်းဝတ်ထနာကျေးရွာအုပ်စုမှာနှစ်ဆယ့်ငါးရိုင်တို့ဖြစ်ပြီး ရေဘေးသင့်ဒေသနဲ့ ၈ ကီလိုမီတာခန့် ကွာဝေးပါတယ်။
ဒီလိုမြေနေရာ သီးသန့်ပြင်ဆင်စွန့်ပစ်ပေးတာကြောင့် အမှိုက်တွေစုပုံနေမှုကိုလျှော့ချနိုင်ပြီး ရပ်ကွက်နေပြည်သူတွေအပေါ် အနံ့ဆိုးရွားမှုနဲ့ နောက်ဆက်တွဲဆိုးကျိုးတွေမဖြစ်အောင် ဆောင်ရွက်သွားမယ်လို့ တာဝနိရှိသူတွေကဆိုကြပါတယ်။
