Border News Agency
အိုင်ဇော၊ စက်တင်ဘာ ၂၄။
အိန္ဒိယနိုင်ငံ၊ မီဇိုရမ်ပြည်နယ်၊ အိုင်ဇောခရိုင်ရှိ စိမွှေးစစ်ရှောင်စခန်းမှနေအိမ်လေးဆယ်ငါးအိမ်ကို လမ်းတိုးချဲ့ဖို့အတွက် တပတ်အတွင်းဖျက်သိမ်းပေးဖို့ အာဏာပိုင်တွေကညွှန်ကြားထားတာကြောင့် စစ်ရှောင်တွေအခက်အခဲကြုံနေရပါတယ်။
အဝေးပြေးလမ်းပေ ၃၀ ချဲ့မယ်လို့ဆိုကာ ၇ ရက်အတွင်း အပြီးဖယ်ရှားဖို့နဲ့သတ်မှတ်ရက်ကျော်လွန်ရင် ဒဏ်ငွေရူပီငါးထောင်ချမှတ်မယ်လို့ စက်တင်ဘာလ ၁၉ ရက်နေ့မှာ အကြောင်းကြားခဲ့တာပါ။
အချိန်တိုအတွင်းဖယ်ရှားရမှာဖြစ်လို့ စစ်ရှောင်တွေမှာနေရာသစ်ရှာဖို့ အဆင်မပြေဖြစ်နေပြီးရွှေ့ပြောင်းချိန် တလတိုးပေးဖို့ မေတ္တာရပ်ခံထားပေမယ့် အကြောင်းပြန်တာမရှိသေးပါဘူး။
အဲဒီစစ်ဘေးရှောင်စခန်းမှာ ချင်းပြည်၊မတူပီဘက်မှစစ်ဘေးရှောင်တွေ ခိုလှုံနေကြတာဖြစ်ပါတယ်။
ဖယ်ရှားရမယ့် အဆောက်အအုံတွေမှာ ဘုရားကျောင်းနဲ့ ခန်းမဆောင်တို့ပါဝင်နေပြီး စစ်ရှောင်အချို့မှာသတ်မှတ်ရက်မီစေဖို့ နေအိမ်တွေကိုစတင်ဖျက်သိမ်းနေကြပြီဖြစ်ပါတယ်။
