Border News Agency
နေပြည်တော်၊ စက်တင်ဘာ ၂၄။
မြန်မာနိုင်ငံရဲ့ လွတ်လပ်တဲ့သတင်းမီဒီယာတွေကို ပံ့ပိုးကူညီပေးကြဖို့ နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်ရဲ့သား ကိုထိန်လင်းက စက်တင်ဘာလ ၂၄ ရက် ဒီနေ့တိုက်တွန်းတောင်းဆိုလိုက်ပါတယ်။
ဒီနေ့ဟာ ကိုထိန်လင်းရဲ့မွေးနေ့ဖြစ်တာကြောင့် မြန်မာ့ဓလေ့အတိုင်းကောင်းမွန်တဲ့အလုပ်တခုကိုလုပ်ချင်တာဖြစ်ပြီး မြန်မာနိုင်ငံရှိလွတ်လပ်တဲ့မီဒီယာတွေကို ပံ့ပိုးကူညီပေးဖို့ သူ့ရဲ့လူမှုကွန်ရက်စာမျက်နှာကပြောထားတာပါ။
“ဒီနေ့ကျွန်တော့်မွေးနေ့မှာမေမေ့ဆီက သိမှတ်ခဲ့ရတဲ့ မြန်မာ့ဓလေ့အတိုင်း ကောင်းတဲ့အလုပ်တခုလုပ်ချင်ပါတယ်။ ကျနော့်အဲဒီကောင်းတဲ့အလုပ်ဆိုတာ မြန်မာနိုင်ငံရဲ့လွတ်လပ်တဲ့မီဒီယာတွေကို ပံ့ပိုးရပ်တည်ကူညီပေးဖို့ဖြစ်ပါတယ်။ သူတို့ဟာကျနော့်မေမေရဲ့အခြေ အနေမှန်တွေကိုသိရှိစေခဲ့ရုံမက မြန်မာနိုင်ငံအနှံ့ကမိသားစုပေါင်းများစွာရဲ့အ ကြောင်းကို သိဖို့ရာ အင်မတန်အရေးပါပါတယ်။” လို့ ကိုထိန်လင်းက ပြောပါတယ်။
သတင်းထောက်တွေဟာ သတင်းရေးယုံတင်မဟုတ်ဘဲ ဒီမိုကရေစီအတွက်အရှေ့ကနေ တိုက်ပွဲဝင်နေသူတွေဖြစ်ပြီး လူတွေရဲ့ မျှော်လင့်ချက်တွေကို ဆ က်လက်ရှင်သန်နေစေဖို့ လုပ်ဆောင်ရာမှာ အမှန်တရားကို ဖော်ထုတ်ဖို့ဒုက္ခအန္တရာယ်မျိုးစုံ တွေ့ကြုံရတယ်လို့လည်း ဆိုပါတယ်။
ကျနော်တို့ ဝိုင်းပြီးမကူညီရင်သူတို့ရဲ့အသံနဲ့ အမှန်တရားတွေဟာ တိတ်ဆိတ်သွားနိုင်တဲ့အခြေအနေမှာရှိတယ်လို့လည်းဆိုပါတယ်။
အဲဒါကြောင့် အမှန်တရားအတွက် အကူအညီလိုနေကြတဲ့လွတ်လပ်တဲ့မီဒီယာတွေရပ်တည်နိုင်ဖို့ကူညီကြပါလို့ ကိုထိန်လင်းက တိုက်ထွန်းထားပါတယ်။
ဒေါ်အောင်ဆန်းစုကြည်ဟာ စစ်တပ်အာဏာသိမ်းတဲ့ ၂၀၂၁ ခုနှစ်၊ ဖေဖော်ဝါ ရီလ ၁ ရက်နေ့ကတည်းက ဖမ်းဆီးခံထားရတာဖြစ်ပြီး ၁၉ မှု စွပ်စွဲခံခဲ့ရကာ ထောင်ဒဏ် ၃၃ နှစ် ချမှတ်ခံခဲ့ရပါတယ်။
ဒေါ်အောင်ဆန်းစုကြည်ဟာ နှလုံးရော ဂါခံစားနေရပြီး ကျန်းမာရေးအခြေအနေပိုမိုဆိုးရွားလာနေတာမို့နှလုံးအထူးကုနဲ့တွေ့ခွင့်မရတဲ့အကြောင်းကိုလည်း ကင်မ်အဲရစ်က သူ့ရဲ့လူမှုကွန်ရက်ပေါ်က အသိပေးထားပါတယ်။
စစ်တပ်က အာဏာသိမ်းပြီးနောက် မြန် မာနိုင်ငံမှသတင်းထောက်တွေမတရားဖမ်းဆီထောင်ချသတ်ဖြတ်ခံနေကြရသလို လွတ်လပ်တဲ့သတင်းမီဒီယာတိုက်အားလုံးနီးပါးလည်း ပိတ်သိမ်းခံလိုက်ကြရပါတယ်။
အဲဒါကြောင့် အာရက္ခဒေသကသတင်းဌာနတချို့၊ သတင်းသမားတချို့အပါ အဝင်မြန်မာသတင်းသမားတွေဟာ အိ မ်နီးချင်းနိုင်ငံနယ်စပ်တွေမှာ ခိုလှုံနေကြရပါတယ်။
