Border News Agency
ဘီလင်း၊ အောက်တိုဘာ ၁၁။
ကော်သူးလေအုပ်ချုပ်မှုနယ်မြေ၊ ဒူးသထူခရိုင်၊ ဘီးလင်းမြို့နယ်မှာ စစ်ကော်မရှင်တပ်လေကြောင်းတိုက်ခိုက်လို့ ကျောင်းသားငါးဦးသေဆုံးပြီး ကိုးဦးဒဏ်ရာရသွားခဲ့တယ်လို့ ကရင်အမျိုး သားအစည်းအရုံးမှ အောက်တိုဘာလ ၁၁ ရက်၊ ဒီနေ့ထုတ်ပြန်ပါတယ်။
ဘီလင်းမြို့နယ်၊ ကြသောင်းဆိပ်ကျေးရွာအုပ်စု၊ ပျဉ်းမပင်ဆိပ်ကျေးရွာအနောက်ဘက်ခြမ်း ကဘောယူပလောနေရာကို အောက်တိုဘာလ ၉ ရက်နေ့က စစ်ကော်မရှင်တပ်လေကြောင်းတိုက်ခိုက်ခဲ့တယ်လို့ ဆိုပါတယ်။
အဲဒီလိုတိုက်ခိုက်ခဲ့တာကြောင့် ကဘောယူပလောရှိ ကျောင်းသားငါးဦးသေဆုံးခဲ့ပြီး ကိုးဦးဒဏ်ရာပြင်းပြင်းထန်ထန်ရသွားသလို နေအိမ်ဆယ့်တအိမ်လည်း ပျက်စီးသွားခဲ့တယ်လို့ ဆိုပါတယ်။
စစ်ကော်မရှင်ဟာနိုင်ငံတကာမှာ တရားဝင်ရရှိဖို့အတွက် အတုအယောင်ရွေးကောက်ပွဲလုပ်ဖို့ အပြင်းအထန်ကြိုးစားနေသလို တော်လှန်ရေးတပ်တွေ ထိန်းချုပ်ထားတဲ့နေရာတွေရှိအရပ်သားပြည်သူတွေကို ပစ်မှတ်ထားသတ်ဖြတ်နေတယ်လို့ ဆိုပါတယ်။
အဲဒီလိုအရပ်သားပြည်သူတွေကို လေကြောင်းတိုက်ခိုက်တာ၊ လက်နက်ကြီးပစ်ခတ်တာတွေကြောင့် ဒေသတွင်းနေထိုင်တဲ့ပြည်သူတွေမှာ စိုးရိမ်ထိတ်လန့်ပြီး လုပ်ကိုင်စားသောက်နေကြရတယ်လို့ဆိုပါတယ်။
