Border News Agency
ရှမ်း၊ စက်တင်ဘာ ၂၉။
အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန၊ ရှမ်း-ကရင်နီတိုင်းစစ်ဒေသလက်အောက်ခံ ပအိုဝ်းအမျိုးသားကာကွယ်ရေးတပ်မတော်ရဲ့အခြေခံစစ်သင်တန်းဆင်းပွဲကျင်းပခဲ့တယ်လို့ စက်တင်ဘာလ ၂၈ ရက်၊ မနေ့ကထုတ်ပြန်ပါတယ်။
အဲဒိီပအိုဝ်းအမျိုးသားကာကွယ်ရေးတပ်မတော်၊ ပြည်သူ့ကာကွယ်ရေးတပ်မတော်အမှတ် ၁၀၁၁ တပ်ရင်းရဲ့အပတ်စဥ် ၉ သင်တန်းဆင်းပွဲကို လွတ်မြောက်နယ်မြေမှာကျင်းပခဲ့တယ်လို့ Pa-O National Defense Force (PNDF) ကဆိုပါတယ်။
PNDF ရဲ့အခြေခံစစ်သင်တန်းမှာ ကိုယ်ကာယကျန်းမာကြံခိုင်စေတဲ့လေ့ကျင့်ခန်းတွေ၊ အခြေခံစစ်ပညာနဲ့ သက်ဆိုင်တဲ့သင်ခန်းစာတွေ၊ စစ်သည်တော်ကျင့်ဝတ်တွေ၊ နိုင်ငံရေးအသိပညာတွေကို ထည့်သွင်းသင်ကြားပေးခဲ့တယ်လို့ဆိုပါတယ်။
အခြေခံစစ်သင်တန်းဆင်းပွဲကိုတပ်ရင်းရဲ့ ဌာနဆိုင်ရာတာဝန်ရှိသူတွေ၊ ကရင်နီ အမျိုးသားကာကွယ်ရေးတပ်(KNDF) တာဝန်ရှိသူတွေ၊ ညီနောင်မဟာမိတ်ရဲဘော်တွေနဲ့ ဒေသခံပြည်သူတွေတက်ရောက်ခဲ့ပြီးသင်တန်းဆင်းရဲဘော်တွေကို အားပေးစကားတွေပြောကြားခဲ့တယ်လို့ ဆိုပါတယ်။
အာဏာရှင်စနစ်ဆိုးမှန်သမျှကို တိုက်ခိုက်ချေမှုန်းသွားမယ်လို့ ကတိသစ္စာပြုကြောင်းနဲ့ PNDFနဲ့ အတူတိုက်ပွဲဝင်လိုတဲ့ တပ်သားအသစ်တွေကိုလည်းဖိတ်ခေါ်ထားပါတယ်။
