Border News Agency
စစ်တွေ၊ စက်တင်ဘာ ၄။
အာရက္ခဒေသမှာ ဩဂုတ်လ ၁ ရက်နေ့မှ ၃၁ ရက်နေ့အထိ တလတာအတွင်း အာဏာသိမ်းစစ်တပ်ရဲ့ လေကြောင်းနဲ့မြေပြင်တိုက်ခိုက်ကြောင့် အမျိုးသမီးတဆယ့်ခုနှစ်ဦးသေဆုံးခဲ့ပြီး တိုင်းနဲ့ပြည်နယ်တွေထဲ သေဆုံးမှုအများဆုံးဖြစ်ခဲ့တယ်လို့ မြန်မာ့အမျိုးသမီးသမဂ္ဂ (BWU) ကထုတ်ပြန်ပါတယ်။
ဩဂုတ်လအတွင်း အာဏာသိမ်းစစ်တပ်ရဲ့လေကြောင်းတိုက်ခိုက်မှုတွေကြောင့် နိုင်ငံတဝှမ်း အမျိုးသမီးငါးဆယ့်ငါးဦးသေဆုံးခဲ့ရပြီး အဲဒီထဲမှာ အာရက္ခဒေသကတဆယ့်ခုနှစ်ဦးနဲ့ အများဆုံးသေဆုံးခဲ့ရတာဖြစ်ပါတယ်။
အဲဒီအပြင်အာဏာသိမ်းစစ်တပ်ရဲ့ တိုက်ခိုက်မှုတွေကြောင့် နိုင်ငံတဝှမ်း အမျိုးသမီးငါးဆယ့်နှစ်ဦးထိခိုက်ဒဏ်ရရှိခဲ့ပြီး လေကြောင်းတိုက်ခိုက်မှုကြောင့် လေးဆယ့်သုံးဦး၊ လက်နက်ကြီးပစ်ခတ်မှုကြောင့် သုံးဦး၊ ကျည်ထိမှန်မှုကြောင့်သုံးဦးနဲ့ မြေမြှုပ်မိုင်းကြောင့် သုံးဦးပါဝင်ပါတယ်။
အာဏာသိမ်းစစ်တပ်ဟာ အစိုးရတရပ်ပုံစံ ပုံဖော်နေပေမယ့် လက်တွေ့မှာ အာရက္ခဒေသအပါအဝင် နိုင်ငံတဝှမ်းကိုလေကြောင်းတိုက်ခိုက်တာ၊ပြည်သူတွေကိုအစုလိုက် အပြုံလိုက်သတ်ဖြတ်တာနဲ့ ညှင်းပန်းနှိပ်စက်တာတွေကို ဆက်လုပ်နေပါတယ်။
အာဏာသိမ်းစစ်တပ်ရဲ့ အကြမ်းဖက်မှုတွေနဲ့ လေကြောင်းတိုက်ခိုက်မှုတွေကို အဆုံးသတ်နိုင်ရေးအတွက် တိကျသေချာထိရောက်တဲ့အကူအညီတွေနဲ့ လက်တွေ့လုပ်ဆောင်ချက်တွေကို ပြည်သူတွေအရေးတကြီး လိုအပ်နေတယ်လို့လည်း BWU ကဆိုပါတယ်။
