Border News Agency
ကျောက်တော်၊အောက်တိုဘာ ၂၃။
အာရက္ခတပ်တော်(AA)ထိန်းချုပ်နယ် မြေတွေရှိအများပြည်သူပိုင်လမ်းဧရိ ယာတွေမှာ အဆောက်အအုံတွေမဆောက်ဖို့အာရက္ခပြည်သူ့တော်လှန်ရေးအစိုးရသတိပေးတားမြစ်လိုက်ပါတယ်။
အဲဒီမြို့၊ရွာဒေသအလိုက် ပြည်သူအများစုသွားလာနေကြတဲ့ လမ်းမတွေ၊ လမ်းဆုံ၊ လမ်းခွတွေအပါအဝင် ထင်သာမြင်သာရှိတဲ့နေရာတွေမှာ အာရက္ခပြည်သူ့တော်လှန်ရေးအစိုးရက ဆိုင်း ဘုတ်တွေနဲ့အသိပေးတားမြစ်ထားတာပါ။
အဲဒီအများပြည်သူပိုင်ဆိုင်တဲ့ခရိုင်ချင်းဆက်လမ်းဧရိယာအကျယ်ပေ ၁၅၀၊မြို့နယ်ချင်းဆက်လမ်းဧရိယာအကျယ်ပေ ၁၀၀ နဲ့ ရွာချင်းဆက်လမ်းဧရိယာအကျယ်ပေ ၅၀ မှာ ဘယ်သူမှ အဆော က်အအုံသစ်ကျူးကျော်ဆောက်လုပ်တာမပြုလုပ်ရဘူးလို့ တားမြစ်အသိ ပေးထားပါတယ်။
အဲဒီလိုသတိပေးတားမြစ်တာဟာ အ များပြည်သူတွေယာဉ်တိုက်မှုကြောင့်အသက်အန္တရာယ် ဆုံးရှုံးမှုမဖြစ်ရ အောင်ကာကွယ်နိုင်ဖို့အတွက်ဖြစ်တယ်လို့ဆိုပါတယ်။
အာရက္ခပြည်သူတွေဟာ သတိပေး တားမြစ်ချက်တွေကို ပူးပေါင်းလိုက်နာကြဖို့လည်း အသိပေးထားပါတယ်။
အဲဒီအသိပေးတားမြစ်ချက်တွေကိုပူး ပေါင်းလိုက်နာဆောင်ရွက်တာတွေမရှိရင်ဥပဒေနဲ့အညီထိုက်သင့်သလို အရေး ယူဆောင်ရွက်သွားမယ်လို့ဆိုပါတယ်။
အာရက္ခအဆုံးအဖြတ်စစ်ပွဲမှာအာရက္ခတပ်တော်ဟာ ပလက်ဝမြို့နယ်အပါအ ဝင်တဆယ့်ငါးမြို့နယ်ကို အပြီးသတ်သိမ်းပိုက်ပြီး အာရက္ခပြည်သူ့တော်လှန်ရေးအစိုးရအဖြစ်အုပ်ချုပ်ရေးယန္တရား
တွေဖော်ဆောင်နေပါတယ်။
