အင်တာဗျူး
Border News Agency
မြောက်ဦး၊ ဇန်နဝါရီ ၅။
အာရက္ခတပ်တော် (AA) ထိန်းချုပ်နယ်မြေတွေမှာ ဒေသခံပြည်သူတွေဟာ လက်လုပ်မြေအိုးတွေကို တပိုင်တနိုင်စီးပွားဖြစ် လုပ်နေကြပါတယ်။
မြောက်ဦးမြို့နယ်က လက်လုပ်မြေအိုးလုပ်နေသူ ကိုထွန်းလင်းကို Border News Agency က တွေ့ဆုံမေးထားပါတယ်။
“မြေထည်လုပ်ငန်းလုပ်ရတာကတော့ မြေမှုန့်၊ မြေပျောင်း၊ မြေကောင်း၊ မြေကောင်းတဲ့မြေကိုအမှုန့်လုပ်တယ်။ နောက်ပြီးတော့မြောင်သဲပါ။ မြောက်ကျောက်တွေကို ရောနှောပြီးတော့ စနစ်ကျအောင်စနစ်တကျရောရတယ်။ အဆအကွာအဟတွေနဲ့ စနစ်တကျရောပြီးတော့ စီစစ်ပြီးလုပ်ရပါတယ်။ ဒီမြေထည်ကတော့ သူ့ဘာသူလုပ်နိုင်သလို အမျိုးသားတွေကတော့လုပ်လို့ရတယ်။ အချိန်ပေးရမယ်။ နည်းလမ်းနဲ့လုပ်လို့ရတယ်။ မြေကပျောင်းတော့ သောက်ရေအိုး၊ မြေအိုး၊ ဟော့ပေါ့အိုးတွေဘာတွေ လုပ်လို့ရပါတယ်။”
“အားလုံးမြေနဲ့ လုပ်နိုင်သလောက်ကိုတော့လုပ်လို့ရတယ်။ လိုအပ်တဲ့ပစ္စည်းတွေနဲ့ဆိုရင် အများကြီးလုပ်လို့ရတယ် ဒီမြေထည်က…။ အခက်ခဲကတော့… အဲဒီလောက်တော့မရှိဘူး။”
“ဒါပေမယ့် ဒီဇိုင်းဆန်းဆန်းတွေ အကောင်းဆုံးကိုယ်ဆန္ဒရှိသလို တခြားနေရာတွေကပေါ်နေသလို လုပ်ဖို့အတွက် ကိုယ်တွလက်သီးသန့်နဲ့မရဘူး။ လိုအပ်တဲ့စင်္ကြာတံလိုမျိုး ပစ္စည်းတွေလိုပါတယ်။ လိုအပ်တဲ့ပစ္စည်းတွေနဲ့ဆိုရင် ပိုပြီးတော့အဆင်ပြေမယ်။”
“လိုအပ်တဲ့စံချိန်ကောင်းဖို့လည်းလိုတယ်။ တခြားနေရာသို့ထိုးဖောက်ဖို့အတွက်က လောလောဆယ်ကတော့ အစီစဉ်မရှိသေးပါဘူး။”
“ကမ္ဘာကိုတောင်ရောက်စေချင်ပါတယ်။ ဖြစ်စေချင်တဲ့ဆန္ဒကတော့…။ အဲဒီဆန္ဒကတော့…အကောင်းဆုံးထဲရောက်လေလေ ပိုပြီးသဘောကျလေလေ။ ကိုယ့်တွက်လည်းကောင်းတယ်။ အဲဒါတော့…ဆန္ဒကတော့အကောင်းဆုံးနဲ့ အများဆုံးဖြန့်နိုင်ရင် ပိုကောင်းတယ်ပေါ့နော်။”
“မြေထည်လုပ်ငန်းကတော့ စိတ်ဝင်စားတယ်။ အဲဒါလည်းလက်မှုပညာတခုပါ။ ဘယ်လိုပြောမလဲ။ စိတ်ဝင်စားဖို့တော့ကောင်းပါတယ်။ စိတ်ဝင်စားတဲ့လူတွေအတွက်က စိတ်ဝင်စားစရာ။ မြေထည်ကိုစိတ်ဝင်စားတဲ့လူ ကိုယ်ကလည်း မြေထည်ကိုလုပ်နေတဲ့အတွက် အားလုံးသူကိုကျေးဇူးတင်တယ်။”
