Border News Agency
တနင်္သာရီတိုင်း၊ စက်တင်ဘာ ၁၃။
တနင်္သာရီတိုင်း၊ သရက်ချောင်းမြို့နယ်တိုက်ပွဲမှာ စစ်ကော်မရှင်တပ်ဖွဲ့ဝင် ၅ ဦးသေဆုံးပြီး ၂ ဦးဒဏ်ရာရခဲ့တယ်လို့ ဒေါင်းညီနောင်စစ်ကြောင်းမှ စက်တင်ဘာလ ၁၂ ရက်၊မနေ့ကထုတ်ပြန်ပါတယ်။
စစ်ကော်မရှင်တပ်ဖွဲ့ဝင်တွေဟာ ပြည်သူနေအိမ်တွေကို မီးရှို့ဖျက်ဆီးပြီးပြန်လာတဲ့ လမ်းမှာ ဒေါင်းညီနောင်စစ်ကြောင်းနဲ့ KNLA တပ်ရင်း ၁၂ တပ်ခွဲ ၁တို့တိုက်ခိုက်ခဲ့ရာစစ်ဗိုလ် ၁ ဦးအပါအဝင် ၅ ဦးသေဆုံးခဲ့တယ်လို့ ဆိုပါတယ်။
သရက်ချောင်းမြို့နယ်၊ ရန်တောင်ကျေးရွာနဲ့ သင်းကျွန်းကျေးရွာကို စက်တင်ဘာ ၇ ရက်နေ့က အရပ်သားပြည်သူတွေရဲ့ နေအိမ်တွေကို မီးရှို့ဖျက်ဆီးခဲ့တယ်လို့ ဆိုပါတယ်။
စစ်ကော်မရှင်ရဲ့တပ်မ ၄၀၅ တပ်ရင်းမှူး စိုင်းဝနဌေးနဲ့တပ်သားတွေစီးလာတဲ့ဟွန်ဒါဖစ်ယာဉ်ကို တော်လှန်ရေးတပ်ဖွဲ့တွေက တိုက်ခိုက်ခဲ့တာကြောင့် စစ်ဗိုလ် ၁ဦး သေဆုံးခဲ့တယ်လို့ ဆိုပါတယ်။
အဲဒီအပြင် သရက်နှစ်ခွကျေးရွာဘက်သို့ ခြေလျင်ဆင်းလာတဲ့ စစ်ကော်မရှင်စစ်ကြောင်းကို တိုက်ခိုက်ခဲ့တာကြောင့် ၄ ဦးသေဆုံးပြီး ၂ ဦး ဒဏ်ရာ ရရှိသွားတယ်လို့ဆိုပါတယ်။
