Border News Agency
မောင်တော၊ စက်တင်ဘာ ၁၅။
မောင်တောမြို့နယ်၊ ကြိမ်ချောင်း-ခမောင်းဆိပ်ကားလမ်းဟာသွားလာလို့မရအောင်ထိပျက်စီးနေတာမို့ အမြန်ပြုပြင်ဖို့လိုအပ်နေတယ်လို့ မောင်တောဒေသခံတွေက ဆိုကြပါတယ်။
အဲဒီကားလမ်းဟာ ခုံတိုင်ကျေးရွာအလွန်တံတားမှဘော်ဒူလာထိ အများဆုံးပျက်စီးနေတာမို့ လမ်းခရီးတလျှောက်မှာလုံခြုံရေးစိုးရိမ်နေကြရတယ်လို့ ခရီးသွားပြည်သူတွေက ဆိုကြပါတယ်။
“လမ်းမကောင်းတော့သွားရတဲ့ခရီးမှာ ကြန့်ကြာမှုတွေရှိပါတယ်။ နောက်ပြီ အရင်းလို့ တယောက်စနှစ်ယောက်စခရီး မသွားရဲကြတော့ပါဘူး။ လူအဖော်တွေ လိုက်စုပြီသွားနေကြရပါတယ်။ အဓိက မောင်တောမြောက်ပိုင်းလမ်းကလူတွေဆိတ်ငြိမ်ပြီးလူပြတ်တဲ့နေရာတွေဆိုတော့ဆိုင်ကယ်နဲ့ပဲသွားသွား၊ ကားနဲ့ပဲသွားသွား အသက်ကိုရင်းရတဲ့အနေထားတွေပါ။ အဲဒီမှာ လမ်းကကောင်းမနေတော့ ပိုပြီစိုးရိမ်းရပါတယ်။ ကားလမ်းတွေကို အမြန်ပြုပြင်ပေးစေချင်ပါတယ်။” လို့ ဒေသခံတဦးက Border News Agency ကို ပြောပါတယ်။
အဲဒီနေရာတွေမှာ ရိုဟင်ဂျာအမည်ခံလက်နက်ကိုင်အကြမ်းဖက်သမားတွေ လှုပ်ရှားမှုတွေရှိနေပြီး အရပ်သားပြည်သူတွေကို ဖမ်းဆီးသတ်ဖြတ်ပြန်ပေးဆွဲတာတွေလည်းရှိခဲ့တယ်လို့ ဒေသခံတွေက ဆိုကြပါတယ်။
အဲဒါကြောင့် အရေးပေါ်ခရီးသွားလာကြရရင် ဘေးအန္တရာယ်ကင်းရှင်းဖို့အတွက် ကားလမ်းကို အမြန်ပြုပြင်ပေးစေချင်တယ်လို့ ဒေသခံတွေက ဆိုကြပါတယ်။
အဲဒီကားလမ်းကိုသာဒေသခံပြည်သူတွေအားကိုသွားလာနေကြရပြီးသွား လာလို့မရအောင်ထိပျက်စီးနေတာမို့ ဆိုင်ကယ်တွေ၊ ကားတွေကို မြဝတီကျေးရွာမှာထားပြီးခြေလျင်သွားလာနေကြရတယ်လို့ ဒေသခံတွေက ဆိုကြပါတယ်။
“မသွားလို့မရသူတွေကတော့ ဖြစ်သလိုသွားလာနေကြရတာပါ။လမ်းတွေ ပျက်နေလို့ နယ်မြေလုံခြုံမှုတွေကိုလည်း စိုးရိမ်းရပါတယ်။ဒီလမ်းက အာဆာတွေလည်း မကြာခဏချုံခိုတိုက်ခိုက်တဲ့ နေ ရာတွေပါ။အဲဒါကြောင့် လမ်းတွေ ပြု ပြင်ပေးရင် သိပ်ကောင်းပါမယ်။” လို့ ခုံတိုင်ကျေးရွားသားတဦးက Border News Agency ကို ပြောပါတယ်။
အဲဒီကားလမ်းဟာ ဒေသခံပြည်သူတွေနေ့စဥ်အသုံးပြုသွားလာနေကြရတဲ့လမ်းဖြစ်သလို နယ်စပ်ကုန်စည်တွေစီးဆင်းသယ်ယူရာလမ်းလည်းဖြစ်တာမို့ အမြန်ပြုပြင်ဖို့လိုအပ်နေတယ်လို့ ပြည်သူတွေက ဆိုကြပါတယ်။
အာရက္ခ-ဘင်္ဂလာနယ်စပ်၊မောင်တောမြို့နယ်ကို အာရက္ခတပ်တော်သိမ်းပိုက်ထိန်းချုပ်လိုက်ပြီးနောက် ဒေသခံပြည်သူတွေပြန်လည်နေထိုင်တာတွေ၊ ကုန်စည်စီးဆင်းမှုတွေရှိနေပေမယ့်ကားလမ်းတွေပျက်စီးနေတာတွေများနေသေးတာမို့ ပြန်လည်ပြုပြင်ဖို့လိုအပ်နေတယ်လို့ မောင်တောဒေသခံတွေက ဆိုကြပါတယ်။
