Border News Agency
မန္တလေး၊ စက်တင်ဘာ ၁၅။
စစ်ကော်မရှင်ရဲ့ အစုလိုက်အပြုံလိုက် သတ်ဖြတ်မှုကြောင့်၂၀၂၁ ခုနှစ်မှ ၂၀ ၂၅ ဩဂုတ်လ ၃၁ ရက်ထိအသက် ၁၈ နှစ်အောက်ကလေးငယ် ၅၀၇ ဦးသေ ဆုံးခဲ့တယ်လို့ အမျိုးသားညီညွတ်ရေးအစိုးရ(NUG)ရဲ့လူ့အခွင့်အရေးဆိုင်ရာဝန်ကြီးဌာနက စက်တင်ဘာလ ၁၅ ရက်၊ ဒီနေ့ထုတ်ပြန်ပါတယ်။
စစ်အာဏာသိမ်းဖို့ကြိုးပမ်းနေစဥ်ကတည်းက နိုင်ငံတဝှမ်းမှာ အကြမ်းဖက်မှုတွေနဲ့စစ်ရာဇဝတ်မှုတွေကိုဆက်တိုက်ကျူးလွန်နေတဲ့ စစ်ကော်မရှင်ဟာ အသက်မပြည့်သေးတဲ့ ကလေးငယ်တွေကိုပါ ပစ်မှတ်ထားတိုက်ခိုက်တာတွေပြုလုပ်ခဲ့တယ်လို့ဆိုပါတယ်။
အဲဒီအသက် ၁၈ နှစ်အောက်ကလေးင ယ်တွေကို စစ်မှုထမ်းအဖြစ် စစ်သားစုဆောင်းတာ၊ လေကြောင်းတိုက်ခိုက်တာ၊ အစုလိုက်အပြုံလိုက်သတ်ဖြတ်တာတွေကို ရက်ရက်စက်စက်ကျူးလွန်ခဲ့တာကြောင့် ကလေးငယ် ၅၀၇ ဦးသေဆုံးခဲ့ရတယ်လိို့ဆိုပါတယ်။
၂၀၂၅ ဩဂုတ်လထဲမှာ စစ်ကော်မရှင်ဟာ အစုလိုက်အပြုံလိုက်သတ်ဖြတ်မှုပေါင်း ၂၂ ကြိမ်ထိပြုလုပ်ခဲ့သလို လူပေါင်း ၂၂၅ ဦးထိသေဆုံးခဲ့ပြီးအသက် ၁၈ နှစ်အောက်ကလေးသူငယ် ၃၉ ဦးပါဝင်ခဲ့တယ်လို့ဆိုပါတယ်။
အဲဒီအပြင် ၂၀၂၃ ခုနှစ်မှ ၂၀၂၅ ဩဂု တ်လ ၃၁ ရက်နေ့ထိ လေကြောင်းတိုက် ခိုက်လို့ အသက်မပြည့်သေးတဲ့ကလေးငယ် ၅၄၆ ယောက်ထိ သေဆုံးခဲ့ပြီး ၈၁ ၅ ဦးဒဏ်ရာရခဲ့တယ်လို့ဆိုပါတယ်။
ကျောက်တော်မြို့နယ်၊ သရက်တပင်ကျေးရွာမှာ စက်တင်ဘာလ ၁၂ ရက်နေ့က ပညာပျိုးခင်းကိုယ်ပိုင်အထက်တ န်းကျောင်းကို စစ်ကော်မရှင်တပ်လေ ကြောင်းတိုက်ခိုက်ခဲ့လို့ကျောင်းသူ၊ကျောင်းသား ၂၀ ထိသေဆုံးခဲ့ရတယ်လို့ဆိုပါတယ်။
စက်တင်ဘာလမှာကလေးငယ်တွေအ စုလိုက်အပြုံလိုက်သေဆုံးခဲ့တဲ့ဖြစ်စဉ်တွေမပါဝင်သေးဘူးလို့ ဆိုပါတယ်။
စစ်ပွဲမှာကလေးငယ်တွေနဲ့ပတ်သက်လို့ နိုင်ငံတကာကကန့်သတ်တားမြစ်၊ကာကွယ်ပေးထားတဲ့ဥပဒေတွေရှိနေမယ့် စစ်ကော်မရှင်တပ်ဟာပြောင်ပြောင်တ င်းတင်းဆက်ကျူးလွန်ချိုးဖောက်နေတယ်လို့ဆိုပါတယ်။
အပြစ်မဲ့သေဆုံးခဲ့ရတဲ့ကလေးငယ်တွေအပါအဝင် နိုင်ငံတဝှမ်းကျူးလွန်ထားတဲ့စစ်ရာဇဝတ်မှုတွေအတွက် နိုင်ငံတ ကာဥပဒေတွေနဲ့အညီအပြစ်ပေးအရေး ယူခံရနိုင်ဖို့ အမျိုးသားညီညွတ်ရေးအ စိုးရ၊လူအခွင့်အရေးဆိုင်ရာဝန်ကြီးဌာနဟာ စဉ်ဆက်မပြတ်ကြိုးပမ်းအားထုတ်နေတယ်လို့ဆိုပါတယ်။
