Border News Agency
ပုဏ္ဏားကျွန်း၊ စက်တင်ဘာ ၂၁။
အာရက္ခဒေသမှာ စစ်ကော်မရှင်တပ်လေကြောင်းတိုက်ခိုက်မှုတွေ၊စစ်ရေးပဋိပက္ခတွေ၊ဆေးဝါးရှားပါးမှုတွေနဲ့စားဝတ်နေရေးခက်ခဲမှုတွေကြောင့် ကိုယ် ဝန်ဆောင်အမျိုးသမီးတွေဟာကလေးမွေးဖွားဖို့ စိုးရိမ်နေကြတယ်လို့ ဆိုကြပါတယ်။
အဲဒါကြောင့် အသက်အန္တရာယ်လုံခြုံမှုနဲ့ပတ်သတ်လို့အရေးပေါ်အခြေအနေတွေမှာ သွားလာလူပ်ရှားရတာ မလွယ်ကူတဲ့အတွက် ကိုယ်ဝန်ဆောင်အမျိုးသ မီးတွေဟာ ကလေးမွေးဖို့စိုးရိမ်နေကြတယ်လို့ ဆိုကြပါတယ်။
“လေယာဥ်လာသံကြားရင်ကိုယ်ဝန်နဲ့ဆိုတော့လုံခြုံလွတ်ကင်းတဲ့နေရာတွေကို ပြေးရလွှားရတာအရမ်းအခက်အခဲဖြစ်တယ်။မပေါ့မပါးကြီးနဲ့လေ။ဗုံးကဘယ်နေရာကိုချမယ်။မချဘူးဆိုတာဘယ်သူမှမသိဘူး။သွေးနုသားနုဆိုတော့လေယာဥ်သံတွေကြားရင်အလိုလိုစိုးရိမ်စိ တ်ပူတယ်။အဲစိတ်ကြောင့် သွေးဖိအားတွေတက်ပြီး ကလေးအတွက်သွေးအ လုံအလောက်မရနိူင်တဲ့အန္တရာယ်တွေရှိတယ်။စိုးရိမ်စိတ်အများကြီးနဲ့ကိုယ်ဝန် ဆောင်ဘဝကို ခံစားနေရတယ်။” လို့ ပုဏ္ဏားကျွန်းမြို့နယ်မှကိုယ်ဝန်ဆောင်အမျိုးသမီးတဦးက Border News Agency ကို ပြောပါတယ်။
စစ်ကော်မရှင်တပ်ဟာ အာရက္ခဒေသက ဆေးရုံ၊ဆေးခန်းတွေကို ရွယ်ရည်ချက်ရှိရှိ လေကြောင်းတိုက်ခိုက်တာတွေ ပြုလုပ်နေတာမို့ ကိုယ်ဝန်ဆောင်မိခင်တွေဟာ ကလေးမွေးဖွားဖို့အတွက် စိုးရိမ်ကြောက်လန့်နေကြတယ်လို့ ဆိုကြပါတယ်။
အဲဒီအပြင် အာရက္ခဒေသရှိ ကုန်လမ်း၊ ရေလမ်းတွေကိုပိတ်ဆို့ထားတာကြောင့် ဆေးရုံ၊ ဆေးခန်းမှာ ဆေးဝါးမလုံလောက်တာမို့ ပိတ်ထားရတယ်လို့ အာရက္ခပြည်သူတွေက ဆိုကြပါတယ်။
အဲဒါကြောင့် အမျိုးသမီးတွေဟာ ဆေးဝါးအကူအညီမရရှိဘဲ ကလေးမွေးဖွားရမှာကို စိုးရိမ်နေကြတယ်ကိုယ်ဝန် ဆောင်အမျိုးသမီးတွေက ဆိုကြပါတယ်။
အဲဒီလိုစိုးရိမ်မှုတွေရှိနေတဲ့အတွက် ရပ်ကွက်၊ ကျေးရွာအလိုက် နီးစပ်ရာအရပ်လက်သည်တွေနဲ့သာကလေးမွေးဖွားရတဲ့အတွက် ကိုယ်ဝန်ဆောင်မိခင်တွေဟာ အသက်ဆုံးရှုံးမူတွေရှိနေကြတယ်
လို့ အမျိုးသမီးတွေက ဆိုကြပါတယ်။
“ကိုယ်ဝန်ဆောင်မိခင်တယောက်အနေနဲ့အရေးပေါ်လိုအပ်ချိန်မှာ ဆေးဝါးကုသမှုအကူအညီတွေမရမှာကိုအစိုးရိမ်ဆုံးဘဲ။ပထမအကြိမ်ကလေးမွေးတဲ့မိခင်တွေဆို အရပ်လက်သည်တွေနဲ့မမွေးနိုင်ကြဘူး။ဆေးရုံဆေးခန်းမှာ ဆေးအကူအညီတွေနဲ့ လုံခြုံစိတ်ချစွာ မွေးဖွားမှအဆင်ပြေကြတာ။ခုက ဆေး ရုံဆေးခန်းမပြောနဲ့ဆေးဝါးအလုံအ လောက်မရတော့မွေးတဲ့အခါ မိခင်နဲ့က လေးနှစ်ဦးစလုံးအတွက် အသက်အန္တ ရာယ်ရှိတယ်။ဒါကြောင့်လည်းအမျိုး သမီးတွေ ကိုယ်ဝန်ဆောင်ဖို့ ကြောက်နေကြတယ်။” လို့ ပုဏ္ဏားကျွန်းမြို့နယ်မှအမျိုးသမီးတဦးက Border News Agency ကို ပြောပါတယ်။
စစ်ဘေးရှောင်အမျိုးသမီးတွေဟာ မိ သားစုစားဝတ်နေရေးအပြင် အကြပ်အတည်းပေါင်းစုံကြောင့် ကိုယ်ဝန်ဆောင်ကြဖို့၊ ကလေးမွေးဖွားကြဖို့ အခက်အခဲတွေ၊စိန်ခေါ်မှုတွေအများကြီးရှိနေကြတယ်လို့ အမျိုးသမီးတွေက ဆိုကြပါတယ်။
အဲဒီအပြင်ငွေကြေးအခက်အခဲကြောင့် စစ်ဘေးရှောင်ကိုယ်ဝန်ဆောင်အမျိုးသ မီးတွေဟာ ကိုယ်ဝန်ဆောင်သောက် ဆေးတွေ၊သံဓာတ်အားဆေးတွေကို ဝယ်မသောက်နိုင်ဘူးလို့လည်း ကိုယ်ဝ န်ဆောင်အမျိုးသမီးတွေက ဆိုကြပါတယ်။
“စစ်ပွဲကာလကအရမ်းကျပ်တည်းတယ် ။စားသောက်ရေးတောင်အနိုင်နိုင်မငတ်ရုံတမယ်ဖြစ်နေတာ။ကိုယ်ဝန်ဆောင်ကလေးမွေးဖို့ ပိုက်ဆံမရှိဘူး။ကိုယ်ဝန် ဆောင်နေချိန် ဆေးခန်းတွေပုံမှန်ပြဖို့တတ်လည်းမတတ်နိုင်ဘူး။ကုန်ဈေးတက်တော့ အဟာရပြည့်ဝတဲ့အစားအ သောက်တွေလည်း မစားနိုင်ဘူး။လေယာဥ်သံလို့တမျိုးကြားနေရတော့ရင်မအေးရဘူး။ရင်တထ်တိထိတ်နဲ့ကလေးမမွေးချင်ဘူး။ကလေးကအဆင်ပြေမှယူတာအကောင်းဆုံးလေ။” လို့ ပုဏ္ဏားကျွန်းမြို့နယ်မှ စစ်ဘေးရှောင်အမျိုးသမီးတဦးက Border News Agency ကိုပြောပါတယ်။
အာရက္ခအဆုံးအဖြတ်စစ်ပွဲစတင်ကတ ည်းက ကိုယ်ဝန်ဆောင်မိခင်တွေ၊ မွေး ကင်းစကလေးငယ်တွေဟာ ကာကွယ် ဆေးတကြိမ်မှ မထိုးကြရသေးတာမို့ကိုယ်ဝန်ဆောင်ကြဖို့၊ကလေးမွေးဖွားကြဖို့ စိုးရိမ်စရာဖြစ်စေတယ်လို့ အမျိုးသမီးတွေက ဆိုကြပါတယ်။
အဲဒီလိုကာကွယ်ဆေးတွေ မထိုးနှံရတဲ့အတွက် ကိုယ်ဝန်ဆောင်အမျိုးသမီးတွေဟာ စိုးရိမ်ပူပန်နေကြပြီး ကလေးငယ်တွေရဲ့အနာဂတ်အတွက်လည်း စိုး ရိမ်နေကြတယ်လို့ ဆိုကြပါတယ်။
အာရက္ခပြည်သူ့ကျန်းမာရေးဌာနဟာအနည်းငယ်လည်ပတ်နေပေမယ့် ကို ယ်ဝန်ဆောင်အမျိုးသမီးတွေ၊ ကလေးငယ်တွေအတွက်ကာကွယ်ဆေးထိုးပေးတာမရှိသေးဘူးလို့လည်း ကိုယ်ဝန်ဆောင်အမျိုးသမီးတွေက ဆိုကြပါတယ်။
အာရက္ခစစ်ရေးပဋိပက္ခကြောင့်လည်း အရပ်ဖက်အဖွဲ့အစည်းတွေနဲ့ နိုင်ငံတ ကာအဖွဲ့အစည်းတွေရဲ့အကူအညီတွေမရှိသလောက်နည်းနေတယ်လို့ ပြည်သူတွေက ဆိုကြပါတယ်။
အဲဒါကြောင့် ကိုယ်ဝန်ဆောင်အမျိုးသ မီးတွေအတွက်လိုအပ်တဲ့ ဆေးဝါးတွေ၊ ဆေးဘက်ဆိုင်ရာအကူအညီတွေ မရကြတာမို့ လူသားအရင်းအမြစ်ဆုံးရှုံးမှုတွေအတွက် စိုးရိမ်နေကြတယ်လို့ ပြည်သူတွေက ဆိုကြပါတယ်။
