Border News Agency
မလေးရှား၊ စက်တင်ဘာ ၂၅။
မလေးရှားနိုင်ငံ၊ ဆလန်ဂေါပြည်နယ်မှာ မြန်မာအပါအဝင်တရားမဝင်နိုင်ငံခြားသား ၆၆၂ ဦးကိုဖမ်းဆီးမိခဲ့တယ်လို့ မလေးရှားနိုင်ငံလူဝင်မှုကြီးကြပ်ရေးဌာနက စက်တင်ဘာလ ၂၅ ရက်၊ ဒီနေ့ထုတ်ပြန်ပါတယ်။
အဲဒီတရားမဝင်မြန်မာနိုင်ငံသားတွေအပါအဝင်နိုင်ငံခြားသားတွေကို မလေးရှားလူဝင်မှုကြီးကြပ်ရေးနဲ့ဌာနပေါင်းစုံပါဝင်တဲ့ စစ်ဆေးရေးအဖွဲ့ကဝင်ရောက်ဖမ်းဆီးခဲ့တာပါ။
မလေးရှားနိုင်ငံမှ နိုင်ငံခြားသားတွေ အလုပ်လုပ်ကိုင်တဲ့နေရာကို အော်ပရာစီဝင်ရောက်ဖမ်းဆီးခဲ့တာကြောင့် မြန်မာအပါအဝင် တရားမဝင်နိုင်ငံခြားသား ၆၆၂ ဦး ဖမ်းဆီးခံခဲ့ရပါတယ်။
အဲဒီဆလန်ဂေါပြည်နယ်၊ ကလန်းမြို့ကနိုင်ငံခြားသားတွေ အလုပ်လုပ်ကိုင်တဲ့ပူလောက်အင်ဒါးမှာ စက်တင်ဘာလ ၂၄ ရက်၊ ညနေ ၉ နာရီမှ ၁၂ နာရီထိမလေးရှားလူဝင်မှုကြီးကြပ်ရေးနဲ့ ဝင်ရောက်ဖမ်းဆီးခဲ့ပါတယ်။
အဲဒီမှာလူပေါင်း ၁,၁၃၂ ဦးကို စစ်ဆေးပြီးအသက် ၁၆ နှစ်မှ ၈၀ နှစ်ကြားအ မျိုးသား ၆၄၃ ဦးနဲ့ အမျိုးသမီး ၁၉ ဦးကို ဖမ်းဆီးခဲ့ပါတယ်။
အဲဒီဖမ်းဆီးခံရသူတွေဟာမြန်မာနိုင်ငံသား ၃၆ ဦး၊ ဘင်္ဂလားဒေ့ရှ် ၅၄၅ ဦး၊ ပါကစ္စတန်နိုင်ငံသား ၃၅ ဦး၊ နီပေါနိုင်ငံ သား၂၄ ဦး၊ အိန္ဒိယနိုင်ငံသား၁၀ ဦး၊ အင်ဒိုနီးရှား ၉ ဦးလည်းပါဝင်ပါတယ်။
အဲဒီအထဲမှာ ရခိုင်လူမျိုးတချို့လည်းပါဝင်တယ်လို့ မလေးရှားနိုင်ငံရှိရခိုင်လူမျိုးတွေက ဆိုကြပါတယ်။
