Border News Agency
နေပြည်တော်၊စက်တင်ဘာ ၂၇။
စစ်ကော်မရှင်ရဲ့ဒုတိယဗိုလ်ချုပ်မှူးကြီးစိုးဝင်းနဲ့ အိန္ဒိယကာကွယ်ရေးဝန်ကြီးဌာနမှအတွင်းဝန် Mr.Rajesh Kumar Singh ဟာ အိန္ဒိယနဲ့မြန်မာ ကဏ္ဍပေါင်းစုံပူးပေါင်းဆောက်ရွက်ဖို့ တွေ့ဆုံဆွေးနွေးခဲ့ကြတယ်လို့ စစ်ကော်မရှင်က စက်တင်ဘာလ ၂၇ ရက်၊ ဒီနေ့ထုတ်ပြန်ပါတယ်။
သူတို့နှစ်ဖွဲ့ဟာ စက်တင်ဘာလ ၁၆ ရက်၊ မနေ့က နေပြည်တော်မှာတွေ့ဆုံကာ နှစ်နိုငံစစ်တပ်အကြားအပြန်အလှန်ယုံကြည်မှု၊ လေးစားမှု၊ချစ်ကြည်ရင်းနှီးမှုနဲ့ ကဏ္ဍစုံပူးပေါင်းဆောင်ရွက်မှုတွေတိုးမြှင့်ဖို့ဆွေးနွေးခဲ့တယ်လို့ ဆိုပါတယ်။
နှစ်နိုင်ငံစစ်တပ်ကြားသင်တန်းဖွင့်သင်ကြားပေးတာ၊ နယ်စပ်ဒေသတည်ငြိမ်အေးချမ်းရေး၊ တရားဥပဒေစိုးမိုးရေး၊လုံခြုံရေးနဲ့ ဖွံ့ဖြိုးတိုးတက်ရေးအတွက်ပူးပေါင်းဆောင်ရွက်ဖို့နဲ့ ကောင်းမွန်တဲ့သံတမန်ဆက်ဆံရေးနဲ့ချစ်ကြည်ရင်း နှီးမှုတွေဆက်လက်ထိန်းသိမ်းသွားမယ်လို့လည်းဆိုပါတယ်။
အဲဒီဆွေးနွေးပွဲသို့ စစ်ကော်မရှင်ဖက်က ဒုတိယဥက္ကဋ္ဌဒုတိယတပ်မတော်ကာကွယ်ရေးဦးစီးချုပ်ကာကွယ်ရေးဦးစီးချုပ်(ကြည်း)နဲ့အတူကာကွယ်ရေးဝန် ကြီးဌာန၊ ပြည်ထောင်စုဝန်ကြီးဗိုလ်ချုပ်ကြီးမောင်မောင်အေး၊ကာကွယ်ရေးဦး စီးချုပ်ရုံးမှ အဆင့်မြင့်တပ်မတော်အရာရှိကြီးတွေတက်ရောက်ခဲ့တယ်လို့ဆိုပါတယ်။
အိန္ဒိယဖက်ကကာကွယ်ရေးဝန်ကြီးဌာန၊ ကာကွယ်ရေးအတွင်းဝန်နဲ့အတူ မြန်မာနိုင်ငံဆိုင်ရာအိန္ဒိယနိုင်ငံသံအမတ်ကြီး Shri Abhay Thakur၊ မြန်မာနိုင်ငံဆိုင်ရာ အိန္ဒိယနိုင်ငံစစ်သံမှူး Colonel Jaswinder Singh Gill နဲ့ အိန္ဒိယတပ်မ တော်မှတာဝန်ရှိသူတွေတက်ရောက်ခဲ့ကြတယ်လို့ဆိုပါတယ်။
