Border News Agency
ပလက်ဝ၊ စက်တင်ဘာ ၂၉။
အာရက္ခတပ်တော်(AA)ထိန်းချုပ်ထားတဲ့ပလက်ဝမြို့ကို စက်တင်ဘာလ ၂၉ ရက်၊ ဒီနေ့နေ့လယ် ၁၂ နာရီကျော်အချိန်က စစ်ကော်မရှင်တပ်လေကြောင်းတိုက်ခိုက်ခဲ့တယ် ပလက်ဝဒေသခံတွေကဆိုကြပါတယ်။
အဲဒီပလက်ဝမြို့ပေါ်နေရာတချို့ကို စစ်ကော်မရှင်တပ်တိုက်လေယာဥ်ကပေါင်ငါးရာဗုံးသုံးလုံးထိကြဲချတိုက်ခိုက်ခဲ့တယ်လို့ ဆိုကြပါတယ်။
အဲဒီတိုက်ခိုက်မှုကြောင့် ပလက်ဝမြို့ပေါ်ရှိဆေးရုံ၊ဗိုလ်တဲ၊မြို့ထဲနေရာတွေမှာ ကျရောက်ပေါက်ကွဲပြီးအဆောက်အအုံးတွေ၊ ထိခိုက်ဒဏ်ရာသူတွေရှိတ ယ်လို့ ပလက်ဝဒေသခံတွေက ဆိုကြပါတယ်။
“အဆောက်အအုံးတွေပျက်စီးပြီး ဒဏ်ရာရရှိသူတွေရှိနေပါတယ်။အသေးစိပ်တော့မသိရသေးပါဘူး။” လို့ ပလက်ဝမြို့ခံတဦးက Border News Agency ကို ပြောပါတယ်။
စစ်ကော်မရှင်တပ်ဟာ စက်တင်ဘာလ ၂၈ ရက်၊ မနေ့ကလည်း သံတွဲနဲ့ဂွဆက်သွယ်ထားတဲ့လမ်းပိုင်းထဲရှိ ပဒဲကောကျေးရွာအနီးကို လေကြောင်းတိုက်ခိုက်ခဲ့သလို သံတွဲမြို့အနီးပင်လယ်ပြင်မရှိရေတပ်စစ်သင်္ဘောကြီးတွေကလည်း လက်နက်ကြီးပစ်ခတ်တိုက်ခိုက်ခဲ့တယ်လို့ ဆိုကြပါတယ်။
သံတွဲမြို့ကို စက်တင်ဘာလ ၂၇ ရက်နေ့ညကလည်း စစ်ကော်မရှင်တပ်လေကြောင်းတိုက်ခိုက်လို့ အရပ်သားတဦးသေဆုံးပြီးခြောက်ဦးဒဏ်ရာရခဲ့ပါတယ်။
အဲဒီအပြင် တောင်ကုတ်မြို့၊ ကံပိုင်ရပ်ကွက်ရှိတပ်ဦးဘုန်းကြီးကျောင်းကို စက်တင်ဘာလ ၂၆ ရက်နေ့ကလည်း စစ်ကော်မရှင်တပ်လေကြောင်းတိုက်ခိုက်လို့ ကျောင်းဆောင်ပျက်စီးသွားခဲ့ပါတယ်။
အာရက္ခတပ်တော်ထိန်းချုပ်နယ်မြေတွေကို စစ်ကော်မရှင်တပ်လေကြောင်းတိုက်ခိုက်တာတွေ နေ့စဥ်ရက်ဆက်ပြု လုပ်နေတာမို့ အရပ်သားပြည်သူတွေ သေဆုံးဒဏ်ရာရနေကြရပါတယ်။
စစ်ကော်မရှင်တပ်ဟာ သံတွဲ၊တောင်ကုတ်၊အမ်း၊ဂွစတဲ့မြို့နယ်တွေမှာလည်းလာမယ့်ရွေးကောက်ပွဲပြုလုပ်မယ်လို့ထုတ်ပြန်ထားပြီးနောက်လေကြောင်းတိုက်ခိုက်မှုတွေ ဆက်တိုင်းပြုလုပ်နေတာပါ။
