Border News Agency
မြတ်၊ အောက်တိုဘာ ၂။
စစ်ကော်မရှင်တပ်ဖွဲ့ဝင်နှစ်ဦး ကရင်အမျိုးသားလွတ်မြောက်ရေးတပ်မတော် KNLAတပ်မဟာ ၄, တပ်ရင်း ၁၁ဆီသို့ ထပ်ပြီးအလင်းဝင်လာတယ်လို့ အောက်တိုဘာလ ၂ ရက်၊ ဒီနေ့ထုတ်ပြန်ပါတယ်။
မြိတ်ထားဝယ်ခရိုင်၊တနောသရီမြို့နယ်(တနင်္သာရီ)အတွင်း စစ်ကော်မရှင်ရဲ့ခလရ-၂၈၀မှ တပ်ဖွဲ့ဝင်တပ်သားနှစ်ဦးဟာ ကရင်အမျိုးသားလွတ်မြောက်ရေးတပ်မတော်ထံ အောက်တိုဘာလ ၁ ရက်နေ့က အလင်းဝင်လာတယ်လို့ ဆိုပါတယ်။
အဲဒီအလင်းဝင်လာတဲ့တပ်သားနှစ်ဦးမှာ စစ်ကော်မရှင်တပ်မှအတင်းအဓမ္မဖမ်းဆီးခေါ်ဆောင်လာပြီး ပြည်သူ့စစ်မှုထမ်းသင်တန်းတက်ခိုင်းခဲ့ကာ သိန်းခွန်းရှိ ရှေ့တန်းဘက်နယ်မြေသို့ ပို့ဆောင်ခံခဲ့ရတယ်လို့ဆိုပါတယ်။
အဲဒီရှေ့တန်းနယ်မြေမှထွက်ပြေးလွတ်မြောက်လာကာ ကရင်အမျိုးသားလွတ်မြောက်ရေးတပ်မတော်တပ်ရင်း ၁၁ ထံသို့ လက်နက်မဲ့အလင်းဝင်ဘက်ပြောင်းခိုလှုံလာခဲ့တယ်လို့ဆိုပါတယ်။
အဲဒီစစ်ကော်မရှင်တပ်ရဲ့ ခလရ၂၈၀ မှ တပ်ဖွဲ့ဝင်လေးဦးဟာ စက်တင်ဘာလ ၃၀ ရက်နေ့ကလည်း ကရင်အမျိုးသားလွတ်မြောက်ရေးတပ်မတော် KNLA တပ်မဟာ ၄ တပ်ရင်း ၁၁ ထံသို့အလင်းဝင်ဘက်ပြောင်းခိုလှုံလာခဲ့ပါတယ်။
စစ်ကော်မရှင်ဆီ အကြောင်းအမျိုးမျိုးကြောင့် မတရားစစ်မှုထမ်းခိုင်းစေခံရတဲ့တပ်သားတွေဟာ KNLA နဲ့ နီးစပ်ရာတော်လှန်ရေးတပ်တွေဆီ လက်နက်ချအလင်းဝင်ပူးပေါင်းကြဖို့ အသိပေးထားပါတယ်။
