Border News Agency
လွိုင်လင်လေး၊ အောက်တိုဘာ ၁၄။
ကရင်နီပြည်၊ လွိုင်လင်လေးမြို့နယ်ကို စစ်ကြောင်းထိုးလာတဲ့ စစ်ကော်မရှင်စစ်ကြောင်းကို တော်လှန်ရေးတပ်တွေတိုက်ခိုက်ခဲ့ရာ ဆယ်ဦးသေဆုံးသွားတ ယ်လို့ ကရင်နီအမျိုးသားများကာကွယ် ရေးတပ်(KNDF)က အောက်တိုဘာလ ၁၃ ရက်၊မနေ့ကထုတ်ပြန်ပါတယ်။
လွိုင်လင်လေးမြို့နယ်၊ လင်ဖုံကြီးကျေးရွာကို အောက်တိုဘာလ ၉ ရက်နေ့က စစ်ကော်မရှင်တပ်ဟာ အင်အားခြောက်ဆယ်နဲ့ စစ်ကြောင်းထိုးလာတာကြောင့် တော်လှန်ရေးတပ်တွေနဲ့ နှစ်ရက်ဆက်တိုက် တိုက်ပွဲဖြစ်ပွားခဲ့တယ်လို့ ဆိုပါတယ်။
အဲဒီတိုက်ပွဲမှာ စစ်ကော်မရှင်တပ်ဖွဲ့ဝင်ဆယ်ဦးသေဆုံးပြီး အများအပြားဒဏ်ရာရသွားခဲ့သလို သေနတ်လေးလက်နဲ့ခဲယမ်းတွေသိမ်းဆည်းရမိခဲ့တယ်လို့ဆိုပါတယ်။
အဲဒီအပြင် လင်ဖုံကြီးကျေးရွာအနီးကိုလည်း အောက်တိုဘာလ ၇ ရက်နေ့က စစ်ကော်မရှင်တပ်စစ်ကြောင်းထိုးလာတာကြောင့် နှစ်နာရီကြာတိုက်ပွဲ ဖြစ်ခဲ့ကြီး စစ်ကော်မရှင်တပ်က အထိအခိုက်များခဲ့တယ်လို့ဆိုပါတယ်။
နောက်ပြီး လွိုင်လင်လေးမြို့နယ်ရှိ ကျေးရွာတွေကို အောက်တိုဘာလ ၆ ရက်နေ့ကစစ်ကော်မရှင်တပ်မှ ပအိုဝ်းပြည်သူ့စစ်(PNO)နဲ့ ပူးပေါင်းစစ်ကြော င်းထိုးလာတာကြောင့် တော်လှန်ရေးတပ်တွေနဲ့ သုံးနာရီထိတိုက်ပွဲဖြစ်ပွားခဲ့တယ်လို့ဆိုပါတယ်။
စစ်ကော်မရှင်တပ်တွေဟာ ကရင်နီပြည်ရှိလွိုင်ကော်အရှေ့ခြမ်း၊ ဒီးမော့ဆို၊ ဖရူဆို၊ ဘောလခဲ၊ ရှမ်း – ကရင်နီနယ်စပ်က ဖယ်ခုံမြို့နယ်တွေကို စစ်မျက်နှာငါးခုဖွင့်ကာ စစ်ကြောင်းထိုးနေတဲ့အတွက် ထိတွေ့တိုက်ပွဲတွေပြင်းထန်နေတယ်လို့ဆိုပါတယ်။
အဲဒါကြောင့်နေရာတိုင်းနီးပါးတိုက်ပွဲတွေ ပြင်းထန်နေလို့ ပြည်သူတွေအနေနဲ့ တိုက်ပွဲနဲ့ နီးကပ်တဲ့ဒေသတွေမှာ စစ်ရေးသတိ၊လုံခြုံရေးသတိနဲ့သွားလာနေထိုင်ဖို့ကိုလည်း အသိပေးထားပါတယ်။
