Border News Agency
မောင်တော၊ အောက်တိုဘာ ၂၂။
အာရက္ခတပ်တော်(AA)ထိန်းချုပ်ထားတဲ့ကျောက်ပန္ဒူ-စေတီပြင်မယူတောင်ကျော်လမ်းမှာ အောက်တိုဘာလ ၂၂ ရက်၊ဒီနေ့နေ့လည် ၁ နာရီကျော်အချိန်ခန့်က ပြည်သူတွေ ပြန်ပေးဆွဲခံလိုက်ကြရတယ်လို့ ဒေသခံတွေက အတည်ပြုပြောကြပါတယ်။
အဲဒီအရပ်သားပြည်သူတွေဟာ ရသေ့တောင်မြို့နယ်၊ စေတီပြင်ကျေးရွာမှစျေးဝယ်ပြီး မောင်တောမြို့နယ်၊ ကျောက်ပန္ဒူကျေးရွာသို့ပြန်လာကြလို့ ဆိုကြပါတယ်။
အဲဒီစျေးဝယ်ကားတစီးနဲ့ဆိုင်ကယ်တစီးကို မယူတောင်ကျော်လမ်းမှာသေန တ်ဖောက်ရပ်တန့်ပြန်ပေးဆွဲသွားကြတာလို့ ဒေသခံတွေက ဆိုကြပါတယ်။
“သေနတ်ပစ်သံကြားလို့ ဆိုင်ကယ်ရပ်ပြီးနားထောင်နေတာပါ။ ကျွန်တော်နဲ့ခပ်လှမ်းလှမ်းဆိုတော့ လူသံတွေကြားရပါတယ်။မိန်းကလေးတွေ ငိုသံတွေလည်းကြားခဲ့ရပါတယ်။ကျွန်တော်လည်းကြောက်ပြီး ဆိုင်ကယ်ကိုတွန်းရင်း ပြန်လှည့်ပြေးလာခဲ့ရပါတယ်။” လို့ မောင်တောမြို့နယ်၊ ကျောက်ပန္ဒူကျေးရွာသားတဦးက Border News Agency ကို ပြောပါတယ်။
အဲဒီမောင်တောမြို့နယ်၊ ကျောက်ပန္ဒူကျေးရွာက ကိုထွန်းဝင်းပိုင်ကားဖြစ်ပြီး ကျောက်ပန္ဒူကျေးရွာက ကလေးငယ်တွေ၊ အမျိုးသမီးတွေ၊ အမျိုးသားတွေလိုက်ပါလာကြတာလို့ဆိုကြပါတယ်။
အဲဒီလိုပစ်ခတ်ပြန်ပေးဆွဲခံရတာလို့ ခရီးသွားပြည်သူတွေ ထိခိုက်မှုအခြေအနေတွေ၊ ဘယ်ကိုဖမ်းဆီးခေါ်ဆောင် သွားတယ်ဆိုတာမသိရသေးပါဘူး။
အဲဒီကျောက်ပန္ဒူ-စေတီပြင်၊ မယူတောင်ကျော်လမ်းမှာသွားလာနေကြသူတချို့ကတော့ သေနတ်ပစ်သံတွေ၊ ငိုသံ တွေကြားခဲ့ရတယ်လို့ ဆိုကြပေမယ့်အသေးစိတ်အခြေအနေတွေကို မသိရဘူးလို့ ဆိုကြပါတယ်။
အဲဒီကျောက်ပန္ဒူ-စေတီပြင်၊ မယူတောင်ကျော်လမ်းမှာ ပြီးခဲ့တဲ့ဇန်နဝါရီလ ၄ ရက်နေ့ကလည်း သေနတ်ပစ်ခံရလို့ တဦးသေဆုံးပြီးသုံးဦးဒဏ်ရာရသွားခဲ့ပါတယ်။
အဲဒီပစ်ခတ်မှုတွေကို ရိုဟင်ဂျာအမည်ခံလက်နက်ကိုင်အကြမ်းဖက်သမားတွေကျူးလွန်တာဖြစ်သလို ခရီးသွားပြည်သူတွေကို သေနတ်ပစ်ပြန်ပေးဆွဲသွားကြတာလည်း ရိုဟင်ဂျာအမည်ခံလက်နက်ကိုင်အကြမ်းဖက်သမားတွေလို့ ဒေသခံတွေက ဆိုကြပါတယ်။
ဒါပေမယ့် ဟင်ဂျာအမည်ခံလက်နက် ကိုင်အကြမ်းဖက်သမားတွေကျူးလွန်တာဟုတ်၊မဟုတ်ဆိုတာ Border News Agency က အတည်မပြုနိုင်သေးသလိုဘယ် ဘယ်လက်နက်ကိုင်တွေက ကျူး
လွန်းကြတယ်ဆိုတာကို Border News Agency က အတည်မပြုနိုင်သေးပါဘူး။
