အင်တာဗျူး
Border News Agency
ကျောက်တော်၊ ဇန်နဝါရီ ၅။
အာရက္ခတပ်တော် (AA) ထိန်းချုပ်နယ်မြေတွေမှာ တောင်သူလယ်သမားတွေဟာ အခက်အခဲတွေ၊ စိန်ခေါ်မှုတွေ၊ လိုအပ်ချက်တွေအများကြီးရှိနေကြတယ်လို့ ဆိုကြပါတယ်။
ကျောက်တော်မြို့နယ်က လယ်သမားကြီးဦးကျော်သောင်းကို Border News Agency က တွေ့ဆုံမေးထားပါတယ်။
“စပါးလေးကလေးသိန်း၊ ပေါ်ဆန်းမွှေးက ခြောက်သိန်းခွဲတော့ရှိတယ်။ ဘယ်လိုပြေမလဲလယ်သမားတွေ အရမ်ရှုံးပါတယ်။ လယ်သမားတွေမှာက ထွန်ခဝါးတရာကိုတသိန်းခွဲ၊ မြေဆီခတအိတ်ကိုနှစ်သိန်းကျော် ပြီးတော့ရိတ်သိမ်းခ ရိတ်သိမ်းခလည်းဝါးတရာကို တသိန်း၊ တသိန်းခွဲ လယ်ခပြောင်းခဆိုတော့ လယ်သမားတွေ အရမ်းရှုံးပါတယ်။”
“လယ်တဧက ဒီနှစ်တော့စပါး ၈၀ လောက်ပဲရပါတယ်။ ဘာလို့လဲဆိုတော့ မြေဆီမထည့်နိုင်၊ အရင်ကဆိုမြေဆီကိုပြည့်ပြည့်ဝဝ ထည့်နိုင်တယ်။ အခုမြေဆီကစျေးများတယ်။ စပါးကစျေးမရတော့ လိုသလောက်မကြဲနိုင်ဘူး။ အဲဒါကြောင့် စပါးလျော့ကြပါတယ်။ မနှစ်ကတော့ ဝါးတရာလောက်မှာ တရာ့ငါးဆယ်လောက်ရပါတယ်။ အထွက်နှုန်းမကောင်းတာကတော့ မိုးလေးဝသမမှန်တာကလည်းတမျိုး။ ပြီးတော့ မြေဆီမကြဲတာကလည်းတမျိုး မြေဆီလုံလောက်အောင်မကြဲနိုင်ဘူး။ မြေဆီဆက်သွယ်လို့လည်းမရ၊ ရတော့လည်း လယ်သမားတွေ စျေးမပေးနိုင်။ အရင်နှစ်တွေကငါးအိတ်ကြဲလို့ရှိရင် ဒီနှစ်ကတော့ နှစ်အိတ်၊ တအိတ်ပဲကြဲနိုင်တယ်။”
“စပါးစျေးမကောင်းတာကတော့ ဘယ်လိုပြောမလဲ နိုင်ငံခြားတွေကအဆက်သွယ်မရလို့ မကောင်းလို့ထင်ရပါတယ်။ ပြီးတော့ ကိုယ့်ပြည်တွင်းမှာက ကိုယ်လုပ်တဲ့စပါးဆန်တွေကို စားလို့မကုန်ပါဘူး။ အဲဒီတော့နိုင်ငံခြားကို တင်ပို့ရောင်းချလို့မရတော့ ရောင်းလို့ကရောင်းမထွက်ဘူး။ အဲဒါတွေကိုရောင်းလို့မထွက်၊ တန်ဖိုးမဟုတ်ဘဲ ဖြစ်သလိုရောင်းစားရတာပါ။ ဆန်သေးတတောင်းကိုဆိုရင် တသောင်းနှစ်ထောင်၊ ဆန်ကြီးတတောင်းဆိုရင်တသောင်းခွဲ၊ ငါးတသိုက်ကိုလည်းတသောင်းခွဲဆိုတော့ ဆန်တတောင်းက ငါးတသိုက်လောက်နဲ့မျှနေတယ်။”
“လယ်သမားတွေမှာကွာခြားမှုကတော့ ဒီစစ်မဖြစ်ခင်ကတော့ လယ်သမားတွေ အဆင်ပြေကြပါတယ်။ ဒီစစ်ဖြစ်တဲ့အတောအတွင်းမှာ လယ်သမားတွေ အခက်ခဲပေါင်းစုံကို ရင်ဆိုင်ရပါတယ်။ ဘာလို့လဲဆိုတော့ လယ်ယာတွေကိုပြည့်ပြည့်ဝဝ မထွန်နိုင်တာကတမျိုး၊ မြေဆီ၊ မြေဩဇာမကြဲနိုင်တာကတမျိုး၊ ကိုယ့်မှာကျွဲနွားမရှိရင် စက်နဲ့ငှါးပြီးထွန်ရင်လည်း အလွန့်အလွန် ဝါးတရာကို နှစ်သိန်းသုံးသိန်းပေးရပါတယ်။ ထွန်ယက်ခက…။ ရိတ်ဖို့ထိဆို တသိန်းခွဲဆိုရင် အဲဒီမှာသတ်သတ်လေးသိန်းငါးသိန်းဖြစ်သွားတယ်။ ဒီလိုအခက်ခဲပေါင်းစုံကို ဖြေရှင်းနေရပါတယ်။”
“စစ်ဖြစ်ကာလမှာတော့ ဖြစ်ရင်လည်းဖြစ်။ စစ်ပြေငြိမ်းသွားတဲ့အချိန်မှာတော့ လယ်သမားတွေအနေနဲ့လည်း ရသင့်ရထိုက်တဲ့အခွင့်ရေးကို လိုချင်ပါတယ်။ အရင်လို လယ်သမားတွေ စိုက်ပျိုးရေးစာရိတ်ချေးငွေတွေလည်း လိုချင်ပါတယ်။ အရင်တုန်းကဆိုရင် လယ်သမားတွေ မိုးဦးကျဆိုရင် စိုက်ပျိုးရေးချေး ငွေတွေလည်းရပါတယ်။ အခုစစ်ဖြစ်တဲ့အချိန်ကနေ အဲဒါလည်းမရတော့ဘူးဆိုတော့…။ လယ်သမားတွေ အကြွေးနဲ့ အတိုးတွေနဲ့ယူပြီး စိုက်ရတာတွေ၊ ပြီးတော့နွေရာသီရောက်လာတော့ စပါးကိုရောင်းချလို့လိုက်လို့မမှီ စပါးကစျေးမရှိ အဲဒီလိုအခက်အခဲတွေကြုံရပါတယ်။”
“အကူညီကတော့ လာမယ့်နှစ်မှာတော့ မြေဆီ၊ မြေဩဇာတွေ၊ ထွန်ယက်မယ့်ကိရိယာတွေရရင်တော့ ကျွန်တော်တို့လယ်သမားတွေ လက်တွန်းစက်တွေ အများဆုံးသင့်လျှော်ပါတယ်။ လက်တွန်းစက်တွေလိုအပ်ပါတယ်။ ရမယ်ဆိုရင်လိုချင်ပါတယ်။ လက်နဲ့လယ်ထွန်စက်ပါလေ။”
“လက်ရှိမှာတော့ အခုဒီရာသီအတွက်တွက်တော့မလိုတော့ပါဘူး။ မိုးဦးကျမှာဆိုတော့ကာ မိုးဦးမှာဆို ထွန်ယက်ဖို့ကိရိယာတွေ လိုအပ်ပါတယ်။ ပြီးတော့ စပါးစျေးကိုလည်း ဒီနှစ်ထက်ပိုပြီးနောက်နှစ်တွေမှာ ရစေချင်ပါတယ်။ ဒီနှစ်လိုမျိုးဆိုရင် လယ်သမားတွေအားလုံး လယ်အလုပ်ပြုတ်သွားမယ့် အခြေအနေကိုရောက်နေပါတယ်။ ဘာလို့လဲဆိုတော့ စပါးစျေးကမကောင်း စာရိတ်တွေကလည်းများလာတာနဲ့ လယ်သမားတွေအားလုံး အရှုံးလက္ခာဏာပဲပေါ်နေပါတယ်။”
“အဲဒီတော့ ဒီနှစ်တော့ မရရင်လည်းနေပါစေတော့ နောက်နှစ်မှာတော့ အနည်းဆုံးပေါ်ဆန်းမွေးတရာဆိုရင် တရာ ဆယ်သိန်းအောက် အောက်ဆုံး၊ ဆယ်သိန်းလောက်အဆင့်ကို လိုချင်ပါတယ်။ စပါးသေးတွေ ရှစ်သိန်းလောက်ခန့်ဆိုတော့ကာ လယ်သမားတွေအတွက် အဆင်ပြေမယ်လို့ထင်ပါတယ်။”
“ကျွန်တော်တို့တွေ ဒီလိုစိုက်ပျိုးရေးချေးငွေမရတာတွေ မြေဩဇာတွေစျေးများလာတာတွေနဲ့ဆိုတော့ နောက်မိုးဦးကျမှာဆိုရင် လယ်သမားတိုင်းက လယ်ယာမြေတွေကိုလျော့ပေါ့ပြီးတော့ ကိုယ့်မိမိတို့မိသားစုစားဝတ်နေရေးလောက် ဝါးသုံးရာဆိုသုံးရာနဲ့စားရရင် သုံးရာလောက်ပဲထွန်မယ်။ စပါးနှစ်ရာစားရတဲ့လူမှာ ဝါးနှစ်ရာပဲထွန်ဖို့ အခြေနေဖြစ်သွားပါတယ်။”
“လယ်သမားတွေ လယ်ယာလုပ်ဖို့ဆိုရင် အရမ်းကိုစိတ်ကုန်သွားပါပြီ။ အရှုံးကောင်းကောင်းဖြစ်တော့ အရှုံးပေါ်တော့ အရှုံးမခံနိုင်တော့ဘူး။ တနှစ်မဟုတ် နှစ်နှစ်မဟုတ်တော့။ အဲဒီတွက်ကြောင့် လယ်ယာမြေတွေကိုအားလုံး လျော့လို့လုပ်ကိုင်ဖို့ပဲ ဖြစ်နေကြပါတ ယ်။”
“လယ်ယာမြေတွေဟာ မြုန်းစနစ်ဖြစ်သွားမယ်။ ဒီလိုစပါးစျေးအဆင်မပြေတာနဲ့ဆိုရင် အဲဒီတွက်ကြောင့် ရနိုင်ရင်တော့လယ်သမားတွေလိုအပ်နေတဲ့ အကူညီတွေကို တောင်းခံချင်ပါတယ်။”
“နောက်ထပ်ကတော့ မလိုတော့ပါဘူး။ ဘာလိုလဲဆိုရင် မလိုဘူးဆိုတာက အတိုင်းထက်အလွန် အခွင့်ရေးတောင်းရင် ပေးနိုင်မှာလည်းမဟုတ်ဘူးဆိုတော့ ဒီမြေဆီ၊ မြေဩဇာ၊ ထွန်ယက်ဖို့ကိရိယာလေးတွေလောက်ဆိုရင်လည်း စပါးစျေးကိုမြှင့်တင်ပေးရင်တော့ လယ်သမားတွေတွက် အဆင်ပြေဖို့ထင်ပါတယ်။”
