Border News Agency
မောင်တော၊ ဇန်နဝါရီ ၁၀။
မောင်တောဒေသမှာ ၂၀၁၇ ခုနှစ်က မြန်မာစစ်တပ်ရဲ့နယ်မြေရှင်းလင်းရေးစစ်ဆင်မှုတွေကြောင့်သတ်ဖြတ်ခံခဲ့ကြရတဲ့ ရိုဟင်ဂျာလူမျိုးတုံးသတ်ဖြတ်မှုကြားနာပွဲကို လာမယ့် ၁၂ ရက်နေ့စတင်ပါမယ်။
အဲဒီကြားနာပွဲမှာ ရိုဟင်ဂျာတွေအပေါ်မြန်မာစစ်တပ်ကလူမျိုးတုံးသတ်ဖြတ်ခဲ့မှုနဲ့ပတ်သက်ပြီး ဂမ်ဘီယာနိုင်ငံက တရားစွဲဆိုထားတဲ့အမှုကို အပြည်ပြည်ဆိုင်ရာတရားရုံး (ICJ)ကလာမယ့် ဇန်နဝါရီလ ၁၂ ရက်နေ့မှာကြားနာမှာဖြစ်ပါတယ်။
အဲဒီလူမျိုးတုံးသတ်ဖြတ်မှုတွေလုပ်ဆောင်ခဲ့တာနဲ့ပတ်သက်ပြီး ဂမ်ဘီယာနိုင်ငံကမြန်မာနိုင်ငံကို တရားစွဲဆိုထားကာ နိုင်ငံပေါင်းဆယ့်တနိုင်ငံကြားဝင်ဆောင် ရွက်ခွင့်ရထားတာပါ။
ဒီအမှုကိုလာမယ့်ဇန်နဝါရီလ ၁၂ ရက်နေ့မှ ၂၉ ရက်နေ့အထိ နှုတ်နဲ့လျှောက်လဲချက်ပေးရမှာ ဖြစ်တယ်လို့ ICJ က ထုတ်ပြန်ထားပါတယ်။
ဂမ်ဘီယာနိုင်ငံက ဇန်နဝါရီလ ၁၂ ရက်နေ့ကနေ ၁၅ ရက်အထိ လျှောက်လဲချက်ပေးရမှာဖြစ်ပြီး ၁၆၊၁၉ နဲ့ ၂၀ ရက်မှာတော့ မြန်မာဘက်က လျှောက်လဲချက်ပေးရမှာဖြစ်ပါတယ်။
ဒီအမှုကို မျက်မြင်သက်သေတွေနဲ့ဇန်နဝါရီ လ၂၁ ရက်မှ ၂၃ ရက်နေ့ထိအချက်အလက်သက်သေတွေကို ကြားနာသွားမှာဖြစ်ပါတယ်။
အဲဒီကြားနာမှုတွေကို မီဒီယာနဲ့လေ့လာသူတွေကိုဝင်ရောက်ခွင့်မပေးပယ့် တံခါးပိတ်လုပ်ဆောင်သွားမှာဖြစ်တယ်လို့ လည်းဆိုပါတယ်။
အဲဒီနောက်မြန်မာ နဲ့ ဂမ်ဘီယာ နိုင်ငံတို့ ဒုတိယအကြိမ် ကြားနာပွဲတွေကို ဇန်နဝါရီလ ၂၉ ရက်နေ့အထိ ပြုလုပ်သွားမှာဖြစ်ပါတယ်။
မြန်မာစစ်တပ်ဟာ ၂၀၁၇ ခုနှစ်ကရိုဟင်ဂျာတွေအပေါ် ရက်စက်တဲ့သတ်ဖြတ်မှုတွေလုပ်ဆောင်ခဲ့ပြီး လူအများအပြားကို နေရပ်စွန့်ခွာထွက်ပြေးအောင်လုပ်ဆောင်ခဲ့တာကြောင့် ကုလသမဂ္ဂရဲ့လူမျိုးတုံးသတ်ဖြတ်မှုဆိုင်ရာကွန်ဗန်းရှင်းကိုချိုးဖောက်ခဲ့တာကြောင့် ဂမ်ဘီယာနိုင်ငံ ICJ မှာတရားစွဲဆိုခဲ့တာဖြစ်ပါတယ်။
