Border News Agency
နေပြည်တော်၊ ဇန်နဝါရီ ၁၂။
စစ်ကော်မရှင်ဟာလာမယ့်မတ်လမှာလွတ်တော်ခေါ်ပြီးဧပြီလမှာအစိုးရဖွဲ့မယ်လို့ ဇန်နဝါရီလ ၁၁ ရက်၊ မနေ့က မီဒီယာတွေကို ပြောပါတယ်။
အဲဒီအာဏာသိမ်းစစ်ခေါင်းဆောင်ဟာ ရန်ကုန်မြို့က မဲရုံတွေကိုလိုက်လံကြည့်နေချိန်မှာ စစ်ကော်မရှင်ပြောရေးဆိုခွင့်ရှိသူ ပြောတာပါ။
“လွှတ်တော်ကတော့ မတ်လထဲမှာခေါ်မှာပဲ။ ဧပြီလထဲမှာတော့ အစိုးရသစ်တာဝန်တွေက ထမ်းဆောင်မှာပဲ။ အရင်တုန်းကလုပ်ခဲ့တဲ့ ပုံမှန်ဇယားတွေအတိုင်းပဲ လုပ်ပါလိမ့်မယ်။”လို့ စစ်ကော်မ ရှင်ပြောရေးဆိုခွင့်ရှိသူဗိုလ်ချုပ်ဇော်မင်းထွန်းက ပြောပါတယ်။
စစ်ကော်မရှင်ဟာ ရွေးကောက်ပွဲအပိုင်း ၁ ကို ပြီးခဲ့တဲ့ဒီဇင်ဘာလ ၂၈ ရက်နေ့က ၁၀၂ မြို့နယ်မှာ ကျင်းပခဲ့ပြီး စစ်တွေ၊ ကျောက်ဖြူ၊ မာန်အောင်သုံးမြို့နယ်မှာသာကျင်းပနိုင်ခဲ့ပါတယ်။
အဲဒီသုံးမြို့နယ်မှာစစ်တပ်နောက်ခံကြံ့ဖွတ်ပါတီကအများဆုံးအနိုင်ရထားပြီးရခိုင့်ဦးဆောင်ပါတီ၊ရခိုင်တိုင်းရင်း သားများပါတီကလည်း အနည်းငယ်စီအနိုင်ရထားကြပါတယ်။
ဒါပေမယ့်ရခိုင့်ဦးဆောင်ပါတီ(AFP)ဥ က္ကဋ္ဌဒေါက်တာအေးမောင်၊ရခိုင်တိုင်း ရင်းသားများပါတီ(RNP)ဥက္ကဋ္ဌဦးဘရှိန်ဟာရွေးကောက်ပွဲအနိုင်မရခဲ့ကြတာမို့လွှတ်တော်တက်ခွင့်မရကြတော့ပါဘူး။
အဲဒါကြောင့်စစ်ကော်မရှင်ဦးဆောင်မယ့်လွှတ်တော်နဲ့အစိုးရအဖွဲ့ဟာ အာဏာသိမ်းစစ်တပ်နောက်ခံပြုကြံ့ဖွတ်ကြီးစိုးပြီးစစ်တပ်ကသာစိတ်ကြိုက်ခြယ်လှယ်မယ့်ဟန်ပြလွှတ်တော်၊ဟန်ပြအစိုးရအ ဖွဲ့သာဖြစ်မယ်လို့ ဝေဖန်ပြောဆိုနေကြပါတယ်။
“အာဏာသိမ်းစစ်တပ်ထွက်ပေါက်အတွက်ကြံ့ဖွတ်ကိုအသုံးချတဲ့ရွေးကောက်ပွဲပါ။ ရွေးကောက်ပွဲ၊ လွှတ်တော်၊ အစိုးရဟာဟန်ပြသက်သက်ပါပဲ။ ဒေါက် တာအေးမောင်တို့လည်းအမည်ပျက်ရုံအသုံးချခံတွေပါပဲ။” လို့ ရခိုင်နိုင်ငံရေးသမားတဦးက Border News Agencyကို ပြောပါတယ်။
အဲဒီရွေးကောက်ပွဲအပိုင်း ၂ ကိုမြို့နယ်ပေါင်း ၁၀၀ မှာ ဇန်နဝါရီလ ၁၁ ရက်၊မနေ့ကကျင်းပခဲ့ပြီးလာမယ့်ဇန်နဝါရီ လ ၂၅ ရက်နေ့မှာ ရွေးကောက်ပွဲအပိုင်း ၃ ကို ကျင်းပမှာဖြစ်ပါတယ်။
အဲဒါကြောင့်စစ်တွေမြို့ရှိရခိုင်ပြည်နယ်လွှတ်တော်အဆောက်အအုံတွေအပါအ ဝင်စစ်ကော်မရှင်ထိန်းချုပ်နယ်မြေတွေရှိလွှတ်တော်အဆောက်အအုံတွေကို ပြ န်ပြင်နေပါတယ်။
ရခိုင်ပြည်နယ်လွှတ်တော်တည်ရှိတဲ့မြို့တော်စစ်တွေကို အာရက္ခတပ်တော်ကထိုးစစ်ဆင်တိုက်ခိုက်နေပါတယ်။
ပလက်ဝမြို့နယ်အပါအဝင်တဆယ့်ငါးမြို့နယ်ကို အာရက္ခတပ်တော်အပြီးသတ်ထိန်းချုပ်ထားပြီး အာရက္ခပြည်သူ့တော်လှန်ရေးအစိုးရအဖြစ်အုပ်ချုပ်ရေးယန္တရားတွေဖော်ဆောင်နေပါတယ်။
