Border News Agency
ဘင်္ဂလားဒေ့ရှ်၊ ဇန်နဝါရီ ၁၈။
ဘင်္ဂလားဒေ့ရှ်နိုင်ငံ၊ အလီကာဒမ်မြို့နယ်အတွင်းရှိ နယ်စပ်မိုင်တိုင် ၅၅ အနီးမှာ မြိုလူမျိုးရှစ်ဦးဟာ လူအင်အားသုံးပြီးအုပ်စုဖွဲ့ အကြမ်းဖက်တိုက်ခိုက်တာကို ခံခဲ့ရတယ်လို့ဒေသခံတွေက ဆိုကြပါတယ်။
အဲဒီအလီကာဒမ်မြို့နယ်အတွင်းရှိ နယ်စပ်မိုင်တိုင် ၅၅ အနီးမှာ ဇန်နဝါရီလ ၁၇ ရက်၊ မနက်ပိုင်းက မြိုလူမျိုးတွေရဲ့ ကိုယ်ပိုင်သစ်သီးစိုက်ခင်းထဲမှာ သီးနှံတွေမတရားဝင်ခိုးနေသူတွေကိုတွေ့လို့ သွားတားခဲ့တယ်လို့ ဆိုပါတယ်။
အဲဒီအချိန် မူဆလင်တွေနဲ့ ဒေသခံအကြမ်းဖက်အုပ်စုတွေဟာ ဓား၊ တုတ်စတဲ့ လက်နက်တွေနဲ့ ရည်ရွယ်ချက်ရှိရှိ ဝိုင်းပြီးအကြမ်းဖက်တိုက်ခိုက်ခဲ့ကြတယ်လို့ ဒေသခံတွေကဆိုကြပါတယ်။
အဲဒီလိုအကြမ်းဖက်ခံရလို့ မြိုလူမျိုးရှစ်ဦးစလုံးမှာ ဒဏ်ရာပြင်းပြင်းထန်ထန်ရသွားတယ်လို့ ဒေသခံတွေကဆိုကြပါတယ်။
အဲဒီ အသက်ငါးဆယ်နှစ်နှစ်အရွယ် ဒန်းယန်၊ အသက်ငါးဆယ်အရွယ် အာမော်၊ အသက်နှစ်ဆယ့်နှစ်နှစ်အရွယ် ပရေးကေးကျော်၊ အသက်သုံးဆယ်အရွယ် အောင်ဆောင်း၊အသက်ငါးဆယ်အရွယ် ကောက်ငွန်၊ အသက်နှစ်ဆယ့်ခုနှစ်နှစ်အရွယ် ငဝေ၊ အသက်သုံးဆယ်အရွယ် လန်းချင်း၊ အသက်လေးဆယ်အရွယ် မင်းရိုတို့ ဒဏ်ရာပြင်းပြင်းရသွားတယ်လို့ ဒေသခံတွေကဆိုကြပါတယ်။
အဲဒီဒဏ်ရာရသူတွေဟာ ဒဏ်ရာပြင်းထန်တာမို့ အလီကာဒမ်ဆေးရုံမှာ အရေးပေါ်ဆေးကုသမှု ခံယူနေရပါတယ်လို့ ဆိုကြပါတယ်။
ဘင်္ဂလားဒေ့ရှ်နိုင်ငံရှိ ဌာနေတိုင်းရင်းသားတွေနဲ့ အခြေချနေထိုင်သူတွေကြား မြေယာလုယူမှုနဲ့ အကြမ်းဖက်မှုပြဿနာတွေဟာ ခုမှဖြစ်ပွားတာမဟုတ်ဘဲ အရင်ကတည်းကလည်း အကြိမ်ကြိမ်ကြုံတွေ့ခဲ့ရတယ်လို့ ဒေသခံတွေကဆိုကြပါတယ်။
အဲဒီလို သူတို့ရဲ့ ရိုးရာဘိုးဘွားပိုင်မြေတွေပေါ်မှာ အစဉ်အဆက်နေထိုင်လာကြသူတွေဖြစ်ပေမယ့် အခြေချနေထိုင်သူတွေဘက်က လူအင်အားသုံးပြီးနယ်မြေချဲ့ထွင်တာ၊ စိုက်ခင်းတွေကိုအဓမ္မသိမ်းယူတာတွေကြောင့်ခုလို မလုံခြုံတဲ့အခြေအနေတွေနဲ့ နေထိုင်နေကြရတယ်လို့ဒေသခံတွေက ဆိုကြပါတယ်။
