Border News Agency
မန္တလေး၊ ဇန်နဝါရီ ၁၉။
အမျိုးသားညီညွတ်ရေးအတိုင်ပင်ခံကောင်စီ (NUCC) က ဖက်ဒရယ်ဒီမိုကရေစီ ပဋိ
ညာဉ်ပါ လမ်းပြမြေပုံအရ အသွင်ကူးပြောင်းရေးကာလ အခြေခံဥပဒေရေးဆွဲခြင်းလုပ်ငန်းဟာ ရှစ်ဆယ်ရာခိုင်နှုန်းအထိ ပြီးစီးနေပြီဖြစ်ကြောင်း ဇန်နဝါရီလ ၁၇ ရက်နေ့မှာ ထုတ်ပြန်ကြေညာခဲ့ပါတယ်။
အဲဒါဟာ လမ်းပြမြေပုံ အဆင့်ရှစ်မှာပါဝင်တဲ့ အရေးကြီးတဲ့လုပ်ငန်းစဉ်တခုလည်း ဖြစ်ပါတယ်။
NUCC ရဲ့ လမ်းပြမြေပုံမှာ အဆင့် ၁၂ ဆင့် ပါဝင်ပြီး လက်ရှိရေးဆွဲနေတဲ့ အခြေခံဥပဒေပြီးစီးသွားတဲ့အခါ အသွင်ကူးပြောင်းရေးကာလအစိုးရကို စတင်ဖွဲ့စည်းသွားမှာဖြစ်တယ်လို့ ဆိုပါတယ်။
အဲဒီနောက်မှာတော့ နိုင်ငံရေးအရအလွန်အရေးပါတဲ့ တိုင်းပြုပြည်ပြုညီလာခံကို ဆက်လက်ခေါ်ယူကျင်းပသွားဖို့ ဖော်ပြထားပါတယ်။
အဲဒီညီလာခံကနေတဆင့် ဖက်ဒရယ်ဒီမိုကရေစီ ဖွဲ့စည်းပုံအခြေခံဥပဒေကို အတည်ပြုရေးဆွဲပြီး လူထုဆန္ဒခံယူပွဲကျင်းပကာ ရွေးကောက်ပွဲတစ်ခုဖော်ဆောင်သွားဖို့ ရည်မှန်းထားတယ်လို့ ဆိုပါတယ်။
အဲဒီလမ်းပြမြေပုံကို CRPH၊ KNU၊ KNPP တို့အပါအဝင် တော်လှန်ရေးအင်အားစု ၂၇ ဖွဲ့က ကတိကဝတ်ပြုသဘောတူထားကြတာ ဖြစ်ပါတယ်။
ဒါပေမယ့်လည်း လက်ရှိအချိန်မှာတော့ အခြေခံအဖွဲ့အစည်းတွေဖြစ်တဲ့ CRPH၊ KNU နဲ့ KNPP တို့ဟာ NUCC ထဲမှာ ပါဝင်ဆောင်ရွက်နေမှုကို ယာယီရပ်ဆိုင်းထားတယ်လို့ပါတယ်။
