Border News Agency
နေပြည်တော်၊ ဇန်နဝါရီ ၂၁။
တိုင်းရင်းသားလက်နက်ကိုင်အဖွဲ့တွေအနေနဲ့ တိုက်ပွဲတွေဖော်ဆောင်ပြီး မူးယစ်ဆေးဝါးထုတ်လုပ်တာနဲ့ အွန်လိုင်းလိမ်
လည်လောင်းကစားမှုတွေကို လုပ်ကိုင်လာတာကြောင့် ဒါတွေကိုတိုက်ဖျက်ရမယ်လို့ အာဏာသိမ်းစစ်ခေါင်းဆောင် မင်းအောင်လှိုင်ကပြောပါတယ်။
ရှမ်းပြည်နယ်တောင်ပိုင်း၊ ခိုလမ်မြို့ရှိအရှေ့အလယ်ပိုင်း တိုင်းစစ်ဌာနချုပ်မှာ ဇန်နဝါရီလ ၂၀ ရက်နေ့ကပြုလုပ်တဲ့ တပ်နယ်တွေ့ဆုံပွဲမှာ စစ်ခေါင်းဆောင်ကခုလို ထည့်သွင်းပြောဆိုခဲ့တာ ဖြစ်ပါတယ်။
တိုင်းရင်းသားလက်နက်ကိုင်အဖွဲ့ (EAO) အချို့ဟာ နယ်မြေကျော်လွန်ဝင်ရောက်တာတွေအပြင် အွန်လိုင်းလိမ်လည်မှုနဲ့ မူး
ယစ်ဆေးဝါးလုပ်ငန်းတွေကိုပါ လုပ်ဆောင်လာကြတာကိုတွေ့ရတယ်လို့ ဆိုပါတယ်။
အဲဒီတိုင်းစစ်ဌာနချုပ်နယ်မြေအတွင်းမှာ အွန်လိုင်းလောင်းကစားမှုနဲ့ မူးယစ်ဆေးဝါးထုတ်လုပ်မှုတွေ မရှိစေဖို့အတွက် အ
မျိုးသားရေးတာဝန်တရပ်အဖြစ် တိုက်ဖျက်သွားမယ်လို့ စစ်ခေါင်းဆောင်ကပြောပါတယ်။
အဲဒီအပြင် ဘိန်းစိုက်ပျိုးမှုပပျောက်ရေးအတွက်လည်း စနစ်တကျမှတ်ပုံတင်ပြုစုပြီး ဆက်လက်တိုက်ဖျက်သွားမယ်လို့ ဆိုပါတယ်။
