Border News Agency
မြောက်ဦး၊ ဖေဖော်ဝါရီ ၃။
အာရက္ခတပ်တော်ထိန်းချုပ်နယ်မြေရှိ အစ္စလာမ်ဘာသာရေးတက္ကသိုလ်တခုမှာဖေဖော်ဝါရီလ ၂ ရက်၊ မနေ့က ဘွဲ့နှင်းသဘင်နဲ့ဆုပေးပွဲအခမ်းအနားကို စည်စည်ကားကား ပြုလုပ်ခဲ့ပါတယ်။
အဲဒီပွဲမှာ ဘာသာရေးစာမေးပွဲတွေနဲ့ကုရ်အာန်ကျမ်းမြတ်အာဂုံဆောင်သင်တန်းကို ထူးချွန်စွာ အောင်မြင်ခဲ့ကြတဲ့ ကျောင်းသား၊ ကျောင်းသူတွေကို ဘွဲ့လက်မှတ်တွေနဲ့ ဂုဏ်ပြုဆုတွေ ပေးအပ်ခဲ့တာပါ။
အဲဒီထဲအထူးသဖြင့် ဒေါင်ရာဟ်ဟဒီးစ်အောင်မြင်တဲ့အမျိုးသားခုနှစ်ဦးနဲ့ အာဂုံဆောင်နိုင်ခဲ့တဲ့အမျိုးသမီးခုနှစ်ဦးကို တရားဝင်ဘွဲ့လက်မှတ်တွေ ချီးမြှင့်ခဲ့ပါတယ်။
အဲဒီအခမ်းအနားကို အာရက္ခတပ်တော် ULA/AA က တာဝန်ရှိသူတွေနဲ့ ဌာနဆိုင်ရာအသီးသီးကပုဂ္ဂိုလ်တွေတက်ရောက်အားပေးခဲ့တာပဲ ဖြစ်ပါတယ်။
အဲဒီကျောင်းသားတွေရဲ့ ပညာရေးအောင်မြင်မှုကို ချီးကျူးခဲ့ကြသလို အခမ်းအနားကို တက်ရောက်လာတဲ့ဧည့်သည်နဲ့ ဒေသခံ တထောင့်ငါးရာကျော်ကိုလည်း ထမင်းကျွေးမွေး ဧည့်ခံခဲ့ပါတယ်။
အာရက္ခဒေသမှာ အခုလိုဘာသာရေးပညာရေးတွေပုံမှန်အတိုင်းလည်ပတ်လာနိုင်တာဟာ လူငယ်တွေရဲ့အနာဂတ်အတွက် ခြေလှမ်းကောင်းတခု ဖြစ်တယ်လို့ ဒေသခံတွေက ဆိုပါတယ်။
