Border News Agency
အစ္စရေး၊မတ် ၄ ။
အစ္စရေးလေတပ် (IAF) ကသူတို့ရဲ့ F-35I Adir ကိုယ်ပျောက်တိုက်လေယာဉ်ဟာ အီရန်လေတပ်ပိုင် Yak-130 တိုက်လေယာဉ်တစင်းကို မတ်လ ၄ ရက်၊ဒီနေ့မနက်ကဝေဟင်မှာ ပစ်ချနိုင်ခဲ့တယ်လို့ထုတ်ပြန်ပါတယ်။
အဲဒါဟာ F-35 တိုက်လေယာဉ်သမိုင်းတလျှောက်မှာ လူမောင်းတိုက်လေယာဉ်တစင်းကို ပထမဆုံးအကြိမ်ပစ်ချနိုင်ခဲ့တဲ့ စံချိန်လည်းဖြစ်တယ်လို့ ဆိုပါတယ်။
ဒီလေကြောင်းတိုက်ပွဲဟာ အီရန်နိုင်ငံ မြို့တော်တီဟီရန်ရဲ့ မြောက်ဘက်ပိုင်းမှာ ဖြစ်ပွားခဲ့တာပါ။
အခုတိုက်ခိုက်မှု မတိုင်ခင်မှာလည်း အမေရိကန်နဲ့ အစ္စရေးတပ်ဖွဲ့တွေဟာ အီရန်အနောက်ဘက် အီရတ်နယ်စပ်အနီးက ဆာဒါရှတ်မြို့ကို ပူးပေါင်းတိုက်ခိုက်ခဲ့သလို ဂျေရုဆလင်မြို့ပေါ်ကိုလည်း အီရန်ဒုံးကျည်တွေ ကျရောက်ပေါက်ကွဲတဲ့ ဖြစ်စဉ်တွေ ရှိခဲ့ပါတယ်။
အိုမန်ပင်လယ်ကွေ့အတွင်းမှာလည်း အမေရိကန်စစ်ဘက်က အီရန်စစ်သင်္ဘော ၁၁ စင်းလုံးကို ဖယ်ရှားလိုက်နိုင်သလို တန် ၆၀၀ ရှိ အီရန်ရေငုပ်သင်္ဘောငယ်တစင်းကိုလည်း နစ်မြုပ်အောင် တိုက်ခိုက်ခဲ့ပါတယ်။
ဒါ့အပြင် ယူအေအီးနိုင်ငံ ဖူဂျေရာမြို့ အရှေ့ဘက်မှာလည်း မသင်္ကာဖွယ်ရာ ဖြစ်စဉ်တခု ဖြစ်ပွားခဲ့လို့ ရေကြောင်းလုံခြုံရေးတွေ တင်းကျပ်ထားရပါတယ်။
ပင်လယ်ပြင်တိုက်ပွဲတွေတင်မကဘဲ မော်လ်တာနိုင်ငံ အရှေ့တောင်ဘက်မှာလည်း ရုရှားရဲ့ အရေးယူပိတ်ဆို့ခံထားရတဲ့ ဓာတ်ငွေ့တင်သင်္ဘော Arctic Metagaz ဟာ ယူကရိန်းရဲ့အသေခံဒရုန်းနဲ့ တိုက်ခိုက်ခံရလို့ ပေါက်ကွဲမီးလောင်မှုတွေ ဖြစ်ပွားခဲ့ပါတယ်။
အစ္စရေးဟာ အခုလို မြို့တော်အနီးအထိ ထိုးဖောက်တိုက်ခိုက်မှုကြောင့် ဒေသတွင်းမှာရှိတဲ့ အစ္စရေး၊ အီရန်တွေကြားမှာ စစ်ရေးတင်းမာမှုက အမြင့်ဆုံးကို ရောက်ရှိနေတာဖြစ်ပါတယ်။
