Border News Agency
တူရကီ၊ မတ် ၅။
တူရကီနိုင်ငံ၊လေပိုင်နက်ထဲကို ဦးတည်ဝင်ရောက်လာတဲ့ အီရန်ရဲ့ပဲ့ထိန်းဒုံးကျည်တစင်းကို မြောက်အတ္တလန္တိတ်စာချုပ်အဖွဲ့လို့ ခေါ်တဲ့ နေတိုး (NATO)တပ်ဖွဲ့တွေ ကြားဖြတ်တိုက်ခိုက်ဖျက်ဆီးခဲ့တယ်လို့တူရကီကာကွယ်ရေးဝန်ကြီးဌာနက မတ်လ၄ ရက်၊မနေ့ကထုတ်ပြန်ပါတယ်။
အဲဒီဒုံးကျည်ကို မြေထဲပင်လယ်အရှေ့ဘက်ပိုင်း အပေါ်ယံကောင်းကင်ယံမှာတင် ပစ်ချဖျက်ဆီးနိုင်ခဲ့တာဖြစ်လို့ တူရကီနိုင်ငံပိုင်နက်အတွင်းကို အန္တရာယ်မကျရောက်အောင် တားဆီးနိုင်ခဲ့တယ်လို့ဆိုပါတယ်။
အခုစစ်ဆင်ရေးမှာ အသုံးပြုခဲ့တဲ့ ဒုံးကျည်ကာကွယ်ရေးစနစ်ဟာ အီရန်ရဲ့ ပဲ့ထိန်းဒုံးကျည်ခြိမ်းခြောက်မှုတွေကို တုံ့ပြန်ဖို့အတွက် နေတိုးက ချမှတ်ထားတဲ့ ကာကွယ်ရေးစီမံချက်ရဲ့ အစိတ်အပိုင်းတခုလည်း ဖြစ်တယ်လို့ဆိုပါတယ်။
ဒီလိုကြားဖြတ်ဟန့်တားနိုင်မှုဟာ အဖွဲ့ဝင်နိုင်ငံတွေကို ဒေသတွင်း ဒုံးကျည်ခြိမ်းခြောက်မှုတွေကနေ ကာကွယ်ပေးနိုင်ခဲ့တာလို့ဆိုပါတယ်။
အီရန်ရဲ့တိုက်ခိုက်မှုတွေကြောင့် လေကြောင်းနဲ့ ဒုံးကျည်ကာကွယ်ရေး လုံခြုံရေးတွေကို အမြင့်ဆုံးအဆင့်အထိ တိုးမြှင့်ထားရတယ်လို့လည်းဆိုပါတယ်။
