Border News Agency
စစ်ကိုင်း၊ မတ် ၆။
ချင်းပြည်နဲ့စစ်ကိုင်းတိုင်းမှာ စစ်ကော်မရှင်တပ်ရဲ့ အကြမ်းဖက်မှုတွေကြောင့် ဖေဖော်ဝါရီ တလအတွင်း အရပ်သား ၂၉ ဦး သေဆုံးပြီး ၅၄ ဦး ဒဏ်ရာရခဲ့တယ်လို့ အမျိုးသမီးများအဖွဲ့အစည်း (WJ) ကမတ်လ ၅ ရက်၊မနေ့ကထုတ်ပြန်ပါတယ်။
စစ်ကော်မရှင်တပ်ရဲ့ လေကြောင်းရန်၊ လက်နက်ကြီးနဲ့ မြေမြှုပ်မိုင်းတွေကြောင့် အခုလို သေဆုံးထိခိုက်မှုတွေ ရှိခဲ့တာပါ။
အထူးသဖြင့် လေကြောင်းတိုက်ခိုက်မှုကြောင့် သေဆုံးသူ ၂၄ ဦးအထိ ရှိခဲ့ပြီး လက်နက်ကြီးနဲ့ မြေမြှုပ်မိုင်းကြောင့်လည်း သေဆုံးဒဏ်ရာရတာတွေ ရှိခဲ့ပါတယ်။
စစ်အာဏာသိမ်းပြီးနောက်ပိုင်း အမျိုးသမီးတွေဟာ လုံခြုံရေးအရ စိုးရိမ်နေရသလို စစ်ဘေးရှောင်စခန်းတွေမှာလည်း နေ
ထိုင်မှု မလုံခြုံတာကြောင့် လိင်ပိုင်းဆိုင်ရာ နှောင့်ယှက်မှုနဲ့ အိမ်တွင်းအကြမ်းဖက်မှုတွေကို နေ့စဉ် ရင်ဆိုင်နေရတယ်လို့ ဆိုပါတယ်။
ဒါ့အပြင် စစ်ရှောင်စခန်းတွေမှာ အမျိုးသမီးတွေအတွက် ကိုယ်ဝန်ဆောင်အားဆေး၊ သားဆက်ခြားဆေးနဲ့ လစဉ်သုံးပစ္စည်းတွေ အရေးပေါ် လိုအပ်နေတယ်လို့ ဆိုပါတယ်။
WJ အနေနဲ့ ဖေဖော်ဝါရီလအတွင်း စစ်ကိုင်းနဲ့ ချင်းမှာ ဖြစ်ပွားခဲ့တဲ့ အိမ်တွင်းအကြမ်းဖက်မှုနဲ့ မုဒိန်းမှု အပါအဝင် အမှုပေါင်း ၇ မှုကို မှတ်တမ်းတင်ထားနိုင်ခဲ့တယ်လို့လည်းဆိုပါတယ်။
