Border News Agency
စစ်ကိုင်း၊ မတ် ၈။
စစ်ကိုင်းတိုင်း၊ ကနီမြို့နယ်၊ နတ်လာပို့တောင်ရွာမှာ ပြုလုပ်နေတဲ့ အလှူပွဲကို စစ်ကော်မရှင်တပ်က ဒရုန်းနဲ့တိုက်ခိုက်လို့ဒရုန်းနဲ့ ဗုံးကြဲတိုက်ခိုက်ခဲ့တာကြောင့် သေဆုံးသူ၉ ဦးအထိ ရှိလာပြီလို့ သိရပါတယ်။
အဲဒီနတ်လာပို့တောင်ရွာမှာရှင်ပြုအလှူပွဲ ကျင်းပနေချိန် မတ်လ ၇ ရက်၊မနက်ပိုင်းကစစ်ကော်မရှင်တပ်က ဒရုန်းနဲ့ တိုက်ခိုက်ခဲ့တာပါ။
အဲဒီလိုတိုက်ခိုက်လို့အလှူမဏ္ဍပ်နဲ့ ဘုန်းကြီးကျောင်းပေါ်ကိုကျရောက်ပေါက်ကွဲခဲ့တာကြောင့် နေရာတင် ၇ ဦး သေဆုံးခဲ့ပြီး ဆေးရုံရောက်မှ နောက်ထပ် ၂ ဦး ထပ်မံသေဆုံးခဲ့တာ ဖြစ်ပါတယ်။
”အလှူပွဲကိုသတ်သတ်မဲ့လာကြဲတာဗျ။ ကိုရင်လေး ၂ ပါးရယ်၊ပြည်သူ ၅ ဦးရယ်က နေရာမှာတင် ဆုံးတယ်။ဆေးရုံရောက်မှ ၂ ဦး ထပ်ဆုံးတာ။ဒဏ်ရာရတဲ့ ၁၅ ဦးထဲမှာလည်း ခြေပြတ်လက်ပြတ်ဖြစ်တဲ့သူတွေ ပါတယ်။” လို့ ဒေသခံတဦးက ပြောပါတယ်။
အဲဒီတိုက်ခိုက်မှုကို မုံရွာ နမခထဲကနေ လွှတ်တင်တဲ့ ဆူဆိုက်ဒရုန်းတွေနဲ့ တိုက်ခိုက်ခဲ့တာလို့ သိရပါတယ်။
အဲဒီ ဒဏ်ရာရထားသူတွေကို ဆေးကုသမှု ပေးနေရဆဲဖြစ်ပြီး အခြေအနေကို ဆက်လက်စောင့်ကြည့်နေရတယ်လို့သိရပါတယ်။
အဲဒီ နတ်လာပို့တောင်ရွာဟာ ကနီနဲ့ ယင်းမာပင်မြို့နယ်အစပ်မှာ ရှိတဲ့ ကျေးရွာတရွာလည်းဖြစ်ပါတယ်။
