Border News Agency
အစ္စရေး၊ မတ် ၁၀။
အစ္စရေးနိုင်ငံ၊ ဘက်ရှီးမက်ရှ်မြို့အနီးဟာ အီလာတောင်ကြားမှာရှိတဲ့ အစ္စရေးစစ်တပ်ရဲ့ SES ဂြိုဟ်တုဆက်သွယ်ရေးစခန်းဟာ မတ်လ ၉ ရက်နေ့က တိုက်ခိုက်ခံရတာကြောင့် အကြီးအကျယ်ပျက်စီးသွားတယ်လို့ ဒေသတွင်းမီဒီယာတွေမှာ ဖော်ပြပါတယ်။
အဲဒီအစ္စရေးစစ်တပ်ရဲ့ SES ဂြိုဟ်တုဆက်သွယ်ရေးစခန်းကို ဟစ်ဇ်ဘိုလာအဖွဲ့က တာဝေးပစ်ဒုံးကျည်နဲ့ပစ်ခတ်ခဲ့တာလို့ ဆိုပါတယ်။
အဲဒီတိုက်ခိုက်မှုကြောင့် ဆက်သွယ်ရေးစခန်းရဲ့အဆောက်အအုံနဲ့ တည်ဆောက်ပုံတခုလုံးပျက်စီးသွားခဲ့တာဖြစ်ပြီး စစ်ရေးဆိုင်ရာဆက်သွယ်ရေးစနစ်တွေအပေါ် ဘယ်လောက်ထိထိခိုက်သွားသလဲဆိုတာကိုတော့ အစ္စရေးဘက်ကထုတ်ဖော်ပြောဆိုတာ မရှိသေးပါဘူး။
ဒါ့အပြင်လူထိခိုက်ဒဏ်ရာရမှု အခြေအနေကိုလည်း တရားဝင်သတင်းထုတ်ပြန်ထားတာ မတွေ့ရသေးပါဘူး။
လက်ရှိမှာတော့ အစ္စရေးစစ်တပ်ရဲ့ အရေးပါတဲ့ဆက်သွယ်ရေးဗဟိုချက်တခု အခုလိုတိုက်ခိုက်ခံရတာဟာ ဒေသတွင်းစစ်ရေးအခြေအနေကို ပိုပြီးတင်းမာသွားစေနိုင်တယ်လို့ ကျွမ်းကျင်သူတွေက သုံးသပ်နေကြပါတယ်။
