Border News Agencu
အမ်း၊ မတ် ၁၁။
အမ်းမြို့နယ်၊ ဒါးလက်ချောင်းဒေသမှာရှိတဲ့ စစ်သုံ့ပန်းအကျဉ်းစခန်းကို စစ်ကော်မရှင်တပ်လေကြောင်းတိုက်ခိုက်ခဲ့တာကြောင့် စစ်သုံ့ပန်း ၁၁၆ ဦးသေဆုံးပြီး ၃၂ ဦးဒဏ်ရာရသွားခဲ့တယ်လို့ အာရက္ခတပ်တော် (AA)က မတ်လ ၁၁ ရက်၊ ဒီနေ့ထုတ်ပြန်ပါတယ်။
အဲဒီ ဒါးလက်ချောင်းဒေသမှာရှိတဲ့ စစ်သုံ့ပန်းအကျဉ်းစခန်းကို မတ်လ ၈ ရက်နေ့က တိုက်လေယာဥ် ၄ စီး၊ Y-12 လေယာဉ် ၄ စီးနဲ့သုံးနာရီခွဲကြာ မရပ်မနားတိုက်ခိုက်ခဲ့တယ်လို့ဆိုပါတယ်။
အဲဒီလို တိုက်ခိုက်ခဲ့တာကြောင့် သေဆုံးသူတွေထဲမှာ စစ်ကော်မရှင်ဘက်က အရာရှိကြီးတွေလည်း ပါဝင်နေပါတယ်။
ဒါ့အပြင် အကျဉ်းစခန်းမှာရှိနေတဲ့ အရပ်သားသုံ့ပန်းတချို့လည်း သေဆုံးဒဏ်ရာရခဲ့သလို အလောင်းတချို့ဆိုရင် ဘယ်သူဘယ်ဝါမှန်း ခွဲခြားလို့မရအောင် ပျက်စီးသွားခဲ့တယ်လို့ ဆိုပါတယ်။
အာရက္ခဒေသအတွင်း ဒီဖြစ်စဉ်ဟာ စစ်ကော်မရှင်ရဲ့လေကြောင်းတိုက်ခိုက်မှုကြောင့် သူတို့ရဲ့တပ်ဖွဲ့ဝင်စစ်သုံ့ပန်းတွေ အသေအပျောက်အများဆုံးဖြစ်တယ်လို့ဆိုပါတယ်။
