Border News Agency
မောင်တော၊ မတ် ၁၆။
အာရက္ခတပ်တော်သိမ်းပိုက်ထိန်းချုပ်ထားတဲ့ မောင်တောမြို့ကို စစ်ကော်မရှင်တပ်လေကြောင်းကင်းထောက်နေပါတယ်။
အဲဒီမောင်တောမြို့ပေါ်ကို မတ်လ ၁၅ ရက်နေ့၊ မနေ့ညရှစ်နာရီကျော်အချိန်ခန့်ကစစ်ကော်မရှင်တပ်ရဲ့ဒရုန်းတွေဝဲပျံကင်းထောက်နေတာလို့ မောင်တောမြို့ခံတွေက ဆိုကြပါတယ်။
“ကျွန်တော်တို့ ညရှစ်နာရီအချိန်ဝတ်ပြုပြီး ဗလီကဆင်းချိန်မှာ အလင်းတန်းထွ က်ပြီးပျံဝဲနေတဲ့ဒရုန်းတစီးပျံနေပါတ ယ်။လူတွေလည်းအိမ်တွေကိုဝင်ပြေးကြပါတယ်။မီးတွေကိုပိတ်ထားလိုက်ကြပါတယ်။နာရီဝက်လောက်ပျံပြီးက င်း ထောက်နေတာတွေ့ရပါတယ်။”လို့ မောင်တောမြို့၊အမှတ် ၅ ရပ်ကွက်နေသူတဦးက Border News Agency ကို ပြောပါတယ်။
အဲဒီကင်းထောက်ဒရုန်းဝဲပျံနေပေမယ့်အသံမကြားရတာမို့ အရပ်သားပြည်သူတွေအတွက်ပိုပြီးစိုးရိမ်စရာတွေဖြစ်နေတယ်လို့ မောင်တောမြို့ခံတွေက ဆိုကြပါတယ်။
စစ်ကော်မရှင်တပ်ဟာအဆင့်မြှင့်ဒရုန်းတွေကို ပိုမိုအသုံးပြုလာနေပြီးဒရုန်းအ သုံးပြုကင်းထောက်တာတွေပိုမိုပြုလုပ်လေကြောင်းတိုက်ခိုက်နေတာမို့ စိုးရိမ်နေကြရတယ်လို့ မောင်တောမြို့ခံတွေက ဆိုကြပါတယ်။
“ဘူးသီးတောင်မြို့က စကခ ၁၅ ကို ဂျက်နဲ့ ဗုံးမချမီတရက်အလိုမှာလည်း ခုလိုအသံတိတ်ဒရုန်းနဲ့ကင်းထောက်ခဲ့တယ်လို့သိရပါတယ်။အဲဒါကြောင်းဒေ သခံတွေစိုရိမ်နေကြပါတယ်။”လို့ မောင်တောမြို့ခံတဦးက Border News Agency ကို ပြောပါတယ်။
အဲဒီမောင်တောမြို့နယ်အနီး ဘင်္ဂလားပင်လယ်အော်ထဲမှာစစ်ကော်မရှင်ရေတပ်စစ်သင်္ဘောကြီးတွေရှိနေသေးတာမို့ အဲဒီရေတပ်စစ်သင်္ဘောကြီးတွေက ဒရုန်းလွှတ်တင်ကင်းထောက်နေတာလည်းဖြစ်နိုင်တယ်လို့ မောင်တောမြို့ခံတွေက သုံးသပ်ပြောဆိုကြပါတယ်။
အာရက္ခတပ်တော်ထိန်းချုပ်နယ်မြေတွေကို စစ်ကော်မရှင်တပ်လေကြောင်းတိုက်ခိုက်တာတွေပိုမိုပြုလုပ်လာနိုင်တာမို့အရပ်သားပြည်သူတွေလေကြောင်းရန်ကိုအထူးသတိထားပြီးကြိုတင်ပြင်ဆင်ထားကြဖို့ အာရက္ခအစိုးရသတိ ပေးထားပါတယ်။
