Border News Agency
အီရန်၊ မတ် ၃၀။
အီရန်နိုင်ငံရဲ့အဓိကရေနံတင်ပို့ရာခါ့ဂ်ကျွန်းကို အလွယ်တကူသိမ်းပိုက်ရယူဖို့ဟာ သူအနှစ်သက်ဆုံးကိစ္စဖြစ်တယ်လို့ ဒေါ်နယ်ထရန့်က Financial Times နဲ့ အင်တာဗျူးမှာ ထည့်သွင်းပြောကြားလိုက်ပါတယ်။
အခုလိုရေနံအရင်းအမြစ်တွေကို သိမ်းပိုက်မယ့်အစီအစဉ်ဟာ ဗင်နီဇွဲလားနိုင်ငံမှာ အမေရိကန်ကရေနံလုပ်ငန်းတွေကို ထိန်းချုပ်ခဲ့သလိုမျိုး လုပ်ဆောင်နိုင်တယ်လို့ ထရန့်ကနှိုင်းယှဉ်ပြခဲ့တာပါ။
အီရန်အတွင်းက ပစ်မှတ်ပေါင်း ၁၃,၀၀၀ ကျော်ကိုလည်း အမေရိကန်စစ်တပ်က ဖျက်ဆီးခဲ့ပြီးပြီလို့ သူကဆိုပါတယ်။
ဒါပေမယ့် တဖက်မှာတော့ ပါကစ္စတန်ရဲ့ ကြားဝင်စေ့စပ်ပေးမှုနဲ့ အီရန်နဲ့ဆွေးနွေးမှုတွေဟာ အဆင်ပြေနေတယ်လို့ဆိုပါတယ်။
အီရန်ဘက်က ရေနံတင်သင်္ဘောကြီး ၂၀ စီးကို ဟော်မုဇ်ရေလက်ကြားကနေ မတ်လ ၃၀ ရက်၊ ဒီနေ့ စတင်ဖြတ်သန်းခွင့်ပေးလိုက်တာဟာ အမေရိကန်အပေါ် လေးစားမှုပြသတာဖြစ်တယ်လို့လည်း ထရန့်ကမှတ်ချက်ပေးခဲ့ပါတယ်။
နောက်ထပ်ပစ်မှတ်အနေနဲ့ ကျူးဘားနိုင်ငံဟာလည်း မကြာခင်မှာပြိုလဲတော့မယ့် အခြေအနေမှာရှိနေပြီး အမေရိကန်အနေနဲ့ အဲဒီကလူတွေကို ကူညီဖို့ အဆင်သင့်ရှိနေတယ်လို့ သူကထပ်လောင်းပြောကြားခဲ့ပါတယ်။
