Border News Agency
နေပြည်တော်၊ ဧပြီ ၃ ။
ပြည်ထောင်စုလွှတ်တော်မှာ ဧပြီလ ၃ ရက်၊ ဒီနေ့ပြုလုပ်တဲ့သမ္မတရွေးပွဲမှာ အာဏာသိမ်းစစ်ခေါင်းဆောင်မင်းအောင်လှိုင်ကို နိုင်ငံတော်သမ္မတအဖြစ် ရွေးလိုက်ပါတယ်။
အဲဒီရွေးပွဲကို လွှတ်တော်ကိုယ်စားလှယ် ၅၈၄ ဦး တက်ရောက်မဲပေးခဲ့တာပါ။
အာဏာသိမ်းစစ်ခေါင်းဆောင်မင်းအောင်လှိုင်ဟာ ထောက်ခံမဲ ၄၂၉ မဲ ရသလို၊ ဒုတိယသမ္မတ ၁ အဖြစ် ဦးညိုစောဟာ မဲ ၁၂၆ မဲနဲ့ ဒုတိယသမ္မတ ၂ အဖြစ် ဒေါ်နန်းနီနီအေးက မဲ ၂၉ မဲရကြပါတယ်။
၂၀၀၈ ဖွဲ့စည်းပုံအခြေခံဥပဒေ ပုဒ်မ ၆၃ အရ သမ္မတနဲ့ ဒုသမ္မတအဖြစ် ရွေးခံရသူတွေဟာ လက်ရှိထမ်းဆောင်နေတဲ့ စစ်ဘက်၊ နယ်ဘက် တာဝန်တွေကနေ အလိုအလျောက် အနားယူရမှာ ဖြစ်ပါတယ်။
အဲဒါကြောင့် သမ္မတဖြစ်လာတဲ့မင်းအောင်လှိုင်ဟာ ဗိုလ်ချုပ်မှူးကြီးတာဝန်ကနေအငြိမ်းစားယူရမှာဖြစ်သလို ဦးညိုစောဟာလည်း ဝန်ကြီးချုပ်တာဝန်မှအနားယူရမှာပါ။
အဲဒီအပြင် ဦးညိုစောအနိုင်ရထားတဲ့ကိုကိုးကျွန်း ပြည်သူ့လွှတ်တော်နေရာနဲ့ ဒေါ်နန်းနီနီအေးရဲ့ဘားအံမဲဆန္ဒနယ်တို့ဟာ လစ်လပ်သွားပြီဖြစ်လို့ နောင်ကျင်းပမယ့် ကြားဖြတ်ရွေးကောက်ပွဲမှာ ပြန်လည်ရွေးရမှာ ဖြစ်ပါတယ်။
သမ္မတနဲ့ဒုသမ္မတတွေဟာ လွှတ်တော်မှာကျမ်းကျိန်ပြီး လာမယ့်ငါးနှစ်အစိုး ရအဖွဲ့တာဝန်ယူရမှာဖြစ်ပါတယ်။
