Border News Agency
စစ်တွေ၊ ဧပြီ ၆ ။
တရားမဝင်အစိုးရရခိုင်ပြည်ဝန်ကြီး ချုပ်သစ်အဖြစ် စစ်တွေမဲဆန္ဒနယ်က ပြည်နယ်လွှတ်တော်ကိုယ်စားလှယ် ဦးနိုင်ဦးကို ခန့်လိုက်တယ်လို့ ဧပြီလ ၆ ရက်၊ ဒီနေ့မှာကျင်းပတဲ့ပြည်နယ်လွှတ်တော် အစည်းအဝေးမှာ ကြေညာလိုက်ပါတယ်။
နိုင်ငံတော်သမ္မတက အမည်စာရင်း တင်သွင်းခဲ့တာဖြစ်ပြီး တတိယအကြိမ် ရခိုင်ပြည်လွှတ်တော် ပထမပုံမှန်အစည်းအဝေး ပဉ္စမနေ့မှာ ကန့်ကွက်သူမရှိ အတည်ပြုခဲ့တာပါ။
အဲဒီဦးနိုင်ဦးဟာ ပြီးခဲ့တဲ့ ၂၀၂၅ ခုနှစ် အထွေထွေရွေးကောက်ပွဲမှာ စစ်တွေမဲဆန္ဒနယ်အမှတ် ၁ ပြည်နယ်လွှတ်တော်ကိုယ်စားလှယ်ဖြစ်ပါတယ်။
အဲဒီဝန်ကြီးချုပ်သစ်ခန့်လိုက်တာဟာ ရခိုင်ပြည်နယ်ရဲ့ အုပ်ချုပ်ရေးယန္တရားနဲ့ ဒေသဖွံ့ဖြိုးရေးလုပ်ငန်းတွေကို အရှိန်အဟုန်မြှင့် လုပ်ဆောင်နိုင်ဖို့အတွက် ရည်ရွယ်တာလို့ဆိုပါတယ်။
အဲဒီလိုပြည်နယ်အစိုးရအဖွဲ့သစ် ဖွဲ့စည်းနိုင်ရေးအတွက် ဝန်ကြီးချုပ်သစ်က ဆက်လုပ်သွားမှာဖြစ်ပြီး လွှတ်တော်ကလည်း အတည်ပြုချက်တွေ ရယူသွားမယ်လို့ ဆိုပါတယ်။
