Border News Agency
ဘင်္ဂလားဒေ့ရှ်၊ မေ ၂၃။
အာရက္ခတပ်တော်(AA)ရဲ့စစ်ဦးစီးချုပ်၊ ဗိုလ်ချုပ်ထွန်းမြတ်နိုင်အပါအဝင် ခေါင်းဆောင်တွေကို နိုင်ငံတကာက အရေးယူပေးကြဖို့ ရိုဟင်ဂျာဒုက္ခသည်တွေ ဆန္ဒပြတောင်းဆိုနေကြပါတယ်။
ဘင်္ဂလားဒေ့ရှ်နိုင်ငံ၊ဒုက္ခသည်စခန်းတွေရှိ ဒုက္ခသည်တချို့ဟာ အာရက္ခတပ်တော်ခေါင်းဆောင်တွေရဲ့ပုံတွေကို ကိုင်ပြီး ဆန္ဒပြတောင်းဆိုနေကြတာဖြစ်ပါတယ်။
အာရက္ခတပ်တော်(AA)ရဲ့စစ်ဦးစီးချုပ်၊ ဗိုလ်ချုပ်ထွန်းမြတ်နိုင်အပါအဝင် ခေါင်းဆောင်တွေဟာ ရိုဟင်ဂျာတွေအပေါ်လူမျိုးတုံးသတ်ဖြတ်မှုတွေ၊ စစ်ရာဇဝတ်မှုတွေ၊ လူ့အခွင့်အရေးချိုးဖောက်မှုတွေ ကျူးလွန်နေကြတယ်လို့ ဒုက္ခသည်တွေက စွပ်စွဲပြောဆိုနေကြပါတယ်။
အာရက္ခအဆုံးအဖြတ်စစ်ပွဲမှာ အာရက္ခတပ်တော်ဟာ အာရက္ခ-ဘင်္ဂလာနယ်စပ်အပါအဝင် အာရက္ခဒေသတခုလုံးနီးပါးကို အပြီးသတ်သိမ်းပိုက်ထားပြီး အာရက္ခပြည်သူ့တော်လှန်ရေးအစိုးရအဖြစ် အုပ်ချုပ်ရေးယန္တရားတွေ ဖော်ဆောင်နေပါတယ်။
အဲဒီအထဲက မွတ်ဆလင်အများစုနေထို င်ကြတဲ့ ဘူးသီးတောင်၊ မောင်တော နှစ်မြို့သိမ်းတိုက်ပွဲတွေမှာ ရိုဟင်ဂျာအမည်ခံလက်နက်ကိုင်တွေဟာ အာဏာသိမ်းစစ်တပ်နဲ့ပူးပေါင်းပြီး အာရက္ခတပ်တော်ကို ခုခံတိုက်ခိုက်ခဲ့ကြပါတယ်။
အဲဒီအပြင် စစ်သင်ဆင်မွတ်ဆလင်လက်နက်ကိုင်တွေ၊ရိုဟင်ဂျာအမည်ခံလက်နက်ကိုင်တွေဟာ အရပ်သားပြည်သူတွေကို ဖမ်းဆီးသတ်ဖြတ်တာတွေ ကျူးလွန်ခဲ့ကြပါတယ်။
နောက်ပြီး အာရက္ခ-ဘင်္ဂလာနယ်စပ်မှာ နယ်စပ်ဖြတ်ကျော်အကြမ်းဖက်မှုတွေ၊ မူးယစ်ဆေးဝါးတွေ၊ အရပ်သားပြည်သူတွေကို ဖမ်းဆီးပြန်ပေးဆွဲသတ်ဖြတ်တာတွေ၊ နယ်စပ်ဖြတ်ကျော်တိုက်ခိုက်တာတွေ ကျူးလွန်နေကြတယ်လို့ အာရက္ခပြည်သူတွေက ဆိုကြပါတယ်။
