Border News Agency
မောင်တော၊ ဇူလိုင် ၈။
မောင်တောဒေသမှ ဘင်္ဂလားဒေ့ရှ်နိုင်ငံကို ၂၀၁၆ -၂၀၁၇ ခုနှစ်တွေက ထွက် ပြေးခဲ့ကြရတဲ့ ဒုက္ခသည်ပြန်လည်လက် ခံရေးဟာ အာရက္ခတပ်တော်(AA)ရဲ့ တို က်ခိုက်မှုတွေကြောင့် နှောင့်နှေးနေတ ယ်လို့ စစ်ကောင်စီနိုင်ငံရေးဝန်ကြီးဌာနမှ ဇူလိုင်လ ၇ ရက်နေ့ ထုတ်ပြန်ချက်မှာ ဖော်ပြပါတယ်။
ကုလသမဂ္ဂလူ့အခွင့်အရေးကောင်စီရဲ့ ၅၉ ကြိမ်မြောက်အစည်းအဝေးက အတည်ပြုလိုက်တဲ့ ဆွေးနွေးချက်မူကြမ်းကို တုံ့ပြန်ရာမှာ ထည့်သွင်းဖော် ပြထားတာပါ။
ဘင်္ဂလားဒေ့ရှ်ကို ထွက်ပြေးတိမ်းရှောင်နေကြတဲ့ဒုက္ခသည်တွေနဲ့ပတ်သက်လို့ မြန်မာနိုင်ငံလူဝင်မှုကြီးကြပ်ရေးနဲ့ပြည်သူ့အင်အားဝန်ကြီးဌာနက စီစစ်အတ ည်ပြုပြီးသူ ၂၇၄၀၉၃ ဦးအနက် ၁၉၄ ၁၇၅ ဦးသာ ရခိုင်မှာနေထိုင်ခဲ့ကြောင်းကို အထောက်အထားနဲ့ အတည်ပြုနိုင်တယ်လို့ ဆိုပါတယ်။
အဲဒီစီစစ်တွေ့ရှိချက်အသေးစိတ်ကိုလည်း ဘင်္ဂလားဒေ့ရှ်နိုင်ငံကို ပေးပို့ထားတယ်လို့ စစ်ကောင်စီနိုင်ငံခြားရေးဝန် ကြီးဌာန ဆိုပါတယ်။
မြန်မာနိုင်ငံဟာ ၁၉၈၂ ခုနှစ်၊မြန်မာနိုင် ငံသားဥပဒေပါသတ်မှတ်ချက်တွေနဲ့ကို က်ညီသူတွေကို နိုင်ငံသားအဆင့်အတန်းပေးနေပေမယ့် နိုင်ငံရဲ့ဥပဒေ၊ သမိုင်းမှတ်တမ်းအထောက်အထားတွေမှာ မရှိခဲ့တဲ့“ရိုဟင်ဂျာ”အသုံးအနှုန်းကို အသိ အမှတ်ပြုမှာမဟုတ်ဘူးလို့လည်း ဆိုပါတယ်။
ရသေ့တောင်၊ဘူးသီးတောင်၊မောင်တော သုံးမြို့နယ်မှာ ၂၀၁၆ – ၂၀၁၇ ခုနှစ်တွေက အာဆာအကြမ်းဖက်အဖွဲ့တွေဟာ နယ်ခြားစောင့်စခန်းတွေကို တိုက်ခိုက်ခဲ့ပါတယ်။
အဲဒါကြောင့် မြန်မာစစ်တပ်က နယ်မြေရှင်းလင်းရေးဆောင်ရွက်ရာမှာ လူဦးရေသိန်းနဲ့ချီ ဘင်္ဂလားဒေ့ရှ်နိုင်ငံကို ထွက်ပြေးတိမ်းရှောင်ခဲ့ကြရတာပါ။
မြန်မာနိုင်ငံမှာ လုံခြုံရေးပြန်လည်ကောင်းမွန်လာရင် နှစ်နိုင်ငံသဘောတူညီချက်တွေအရ စီစစ်အတည်ပြုပြီးသူတွေကို ပြန်လည်လက်ခံဖို့အသင့်ရှိနေတယ်လို့လည်း စစ်ကောင်စီက ဆိုပါတယ်။
မြန်မာ-ဘင်္ဂလားဒေ့ရှ်နယ်စပ်တလျှောက်မိုင်ပေါင်း ၁၇၀ နီးပါးကို အာရက္ခတပ်တော်(AA)က သိမ်းပိုက်ထိန်းချုပ်ထားပြီး အုပ်ချုပ်ရေးယန္တရားတွေလည်ပတ်နေပါတယ်။
