Border News Agency
ပုဏ္ဏားကျွန်း၊ ဇူလိုင် ၁၈။

အာရက္ခဒေသက ကလေးငယ်တွေဟာ စားဝတ်နေရေးအခက်အခဲတွေကြောင့် ဖွံ့ဖြိုးဆဲအရွယ်မှာ အာဟာရချို့တဲ့နေကြတယ်လို့ ပြည်သူတွေက ဆိုကြပါတယ်။

အလုပ်အကိုင်ရှားပါးလို့ နေ့စဥ်ဝင်ငွေမရှိတာ၊ ကုန်ဈေးနှုန်းတွေအဆမတန်မြင့်တက်နေတာမို့ စစ်ဘေးသင့်ကလေး သူငယ်တွေဟာ အစာအာဟာရလုံလော က်စွာ မစားနိုင်ကြဘူးလို့ ဆိုကြပါတ ယ်။

အဲဒါကြောင့် ကလေးငယ်တွေဟာ အာ ဟာရချို့တဲ့နေကြပြီ အာဟာရပြည့်ဝအောင်မျှတတဲ့အစားအစာတွေ စားသုံးဖို့လိုအပ်နေတယ်လို့ မိဘတွေက ဆိုကြပါတယ်။

“ကလေးတွေက အာဟာရချို့တဲ့နေတယ်။ အာဟာရပြည့်ဝအောင်မျှတတဲ့အစားအစာတွေ မစားရဘူး။ ထမင်းတခုတည်းပဲ အဓိကစားနေရတယ်။ သား၊ ငါးတွေကိုလည်းပြည့်ဝအောင်မစားရဘူး။” လို့ ကလေးမိဘတဦးက Border News Agency ကို ပြောပါတယ်။

အဲဒီလိုအာဟာရချို့တဲ့နေကြတဲ့က လေးတွေထဲမှာ စစ်ဘေးရှောင်ကလေးငယ်တွေဟာ ကူညီထောက်ပံ့မှုတွေ မရကြတာမို့ အာဟာရချို့တဲ့မှုတွေပိုမိုဖြစ်နေကြတယ်လို့လည်း စစ်ဘေးရှောင်တွေက ဆိုကြပါတယ်။

စစ်ဘေးရှောင်ကလေးတွေအပါအဝင်ကျောင်းသားလူငယ်တွေကို ကမ္ဘာ့စားနပ်ရိက္ခာအစီအစဥ်(WFP)က လစဥ်ငွေ ကြေးကျပ်လေးသောင်းအပြင် အာဟာ ရဖြည့်စွက်စာမုန့်ပဲသရေစာတွေလစဥ်ထောက်ပံ့ပေးခဲ့တယ်လို့ ပြည်သူတွေက ဆိုကြပါတယ်။

ဒါပေမယ့် ပြီးခဲ့တဲ့နှစ်ကစပြီး နိုင်ငံတကာလူသားချင်းစာနာထောက်ထားမှုဆိုင်ရာအကူအညီတွေမရတော့တာမို့ က လေးသူငယ်တွေဟာ ထမင်းကိုသာ စားသုံးနေကြရတယ်လို့ စစ်ဘေးရှောင်တွေက ဆိုကြပါတယ်။

သားငါးတပိသာကို ကျပ်တသောင်းမှ နှစ်သောင်းထိဈေးမြင့်တက်နေတာမို့စစ်ဘေးရှောင်တွေအပါအဝင် အခြေခံလူတန်းစားတွေ ဝယ်မစားနိုင်ကြလို့ ကလေးသူငယ်တွေ အစာအာဟာရချို့ တဲ့နေကြတယ်လို့ ပြည်သူတွေက ဆိုကြပါတယ်။

အဲဒီလိုအစာအာဟာရချို့တဲ့နေကြတာမို့ ကလေးသူငယ်တွေဟာ ဖွံ့ဖြိုးမှုနောက်ကျတာ၊နုံးပြီးအားမရှိတာ၊ မကြာခဏဖျားနာတာ၊ သွားနဲ့ခံတွင်းပြဿာနာတွေဖြစ်လွယ်တာ၊သင်ယူမှုနောက်ကျတာ၊အစာခြေစနစ်ပြဿာနာတွေဖြစ်လွယ်တာစတဲ့လက္ခဏာတွေ ခံစားနေကြရတယ်လို့ ကလေးမိဘတွေက ဆို ကြပါတယ်။

“စခန်းကကလေးတွေဆိုမကြာခဏဖျားတယ်။အစာအာဟာရပြည့်ဝအောင်မစားရလို့ ခန္ဓာကိုယ်တွေပိန်လှီးပြီး၊လ က်ရိုးခြေရိုးတွေဆိုရင်သွားကြားထိုးတံတွေလိုပဲ။တခုခုလှုပ်ရှားလိုက်ရင်မောပြီးပင်ပန်းနေပြီ။လေတိုက်ရင်လဲကျသွားမလားတောင် စိုးရပါတယ်” လို့ ပု ဏ္ဏားကျွန်းမြို့နယ်မှစစ်ဘေးရှောင်တဦးက Border News Agency ကို ပြောပါတယ်။

ကလေးသူငယ်တွေဟာ အစာအာဟာရချို့တဲ့နေကြသလို ကိုယ်စိတ်နှစ်ပါးထိခိုက်ခံစားနေကြတယ်လို့လည်း ပြည်သူတွေက ဆိုကြပါတယ်။

စစ်ကောင်စီတပ်က ကုန်းလမ်းရေလမ်းအားလုံးကို ပိတ်ဆို့ထားတာမို့ ကုန်ဈေး နှုန်းမြင့်တက်တာ၊အလုပ်အကိုင်ရှား ပါးတာ၊ငွေသားရှားပါးတာတွေ ကြုံနေကြရတယ်လို့ ပြည်သူတွေက ဆိုကြပါတယ်။