Border News Agency
ရှမ်းပြည်၊ ဇူလိုင် ၂၉။
ရှမ်းပြည်နယ်၊ ပင်းတယမြို့နယ်၊ ကုန်းစောင်းကျေးရွာမှာ တောင်ကျရေကြောင့် တရွာလုံးရေနစ်မြုပ်သွားပြီး အရပ်သားရှစ်ဦးသေဆုံးသွားတယ်လို့ ဒေသခံတွေကဆိုကြပါတယ်။
ပင်းတယမြို့နယ်မှာ ဇူလိုင်လ ၂၈ ရက် မနက် ၁ နာရိီအချိန်ခန့်ကမိုးသည်းထန်စွာရွာသွန်းမှုကြောင့် တောင်ကျချောင်းရေစီးဆင်းကာ ကုန်းစောင်းကျေးရွာသားရှစ်ဦး ရေထဲမျောပါသွားတယ်လို့ ဒေသခံတွေကဆိုကြပါတယ်။
အဲဒီထဲမှာ အမျိုးသား ၁ ဦး၊ အမျိုးသမီး ၄ ဦးနဲ့ကလေး ၃ ဦးသေဆုံးသွားခဲ့သလို နောက်ထပ် အလောင်းတလောင်းရှာမတွေ့သေးဘူးလို့ ဒေသခံတွေကဆိုကြပါတယ်။
အဲဒီကုန်းစောင်းကျေးရွာမှာ နေအိမ်ရှစ်ဆယ်ခန့်ရှိပြီး တောင်ကျချောင်းရေကြောင့် နေအိမ်ဆယ့်နှစ်လုံးပျက်စီးသွားခဲ့သလို နောက်ထပ်နေအိမ်တွေလည်း အနည်းငယ်ပျက်စီးသွားခဲ့တယ်လို့ ဒေသခံတွေကဆိုကြပါတယ်။
အဲဒီအပြင် ပင်းတယမြို့နယ်၊ သိမ်ကုန်း ကုန်ရွာ၊ရွှေပုထိုးရွာ၊ဇော်ဂျီရွာနဲ့အခြားရွာတွေက စိုက်ခင်းတွေလည်းပျက်စီးသွားခဲ့တယ်လို့ ဒေသခံတွေကဆိုကြပါတယ်။
အဲဒီရေကြီးမှာကြောင့် ဒေသခံတွေဘေးလွတ်ရာကို အရေးပေါ်ပြောင်းရွှေ့နေထိုင်နေကြရတာမို့ စားဝတ်နေရေးအကူအညီတွေလိုအပ်နေတယ်လို့ ဆိုကြပါတယ်။
