Border News Agency
ကရင်နီ၊ အောက်တိုဘာ ၁၅။
ကရင်နီအမျိုးသားများကာကွယ်ရေးတပ် KNDF အမှတ် ၁၄ တပ်ရင်းရဲ့အပတ်စဥ် ၆ အခြေခံစစ်သင်တန်းဆင်းပွဲနဲ့ တပ်ရင်း ၄ နှစ်ပြည့် မွေးနေ့အခမ်းအနားပြုလုပ်ခဲ့တယ်လို့ အောက်တိုဘာလ ၁၄ ရက်၊မနေ့ကထုတ်ပြန်ပါတယ်။
အဲဒီသင်တန်းဆင်းပွဲကို အောက်တိုဘာ လ ၁၂ ရက်နေ့ကပြုလုပ်ခဲ့တာဖြစ်ပြီး တပ်ဖွဲ့အနေနဲ့လည်းစစ်အာဏာသိမ်းမှုဆန့်ကျင်တော်လှန်ရေးမှာပါဝင်လာတာ လေးနှစ်ပြည့်ခဲ့ပြီလို့ဆိုပါတယ်။
အဲဒီ KNDF ရဲ့စစ်ချီသီချင်းနဲ့ချီတက်အလေးပြုတာ၊ တပ်ဦးအလံကိုအလေးပြုတာ၊ ဖက်ဒရယ်ဒီမိုကရေစီတိုက်ပွဲအတွင်း ကျဆုံးခဲ့တဲ့အာဇာနည်သူရဲကောင်းတွေကို အလေးပြုတာ၊ သစ္စာအဓိဌာန်သီဆိုတာတွေပြုလုပ်ခဲ့တယ်လို့ ဆိုပါတယ်။
အဲဒီသင်တန်းသားတွေကိုသင်တန်းကာလအတွင်းအမိန့်နာခံမှုအကောင်းဆုံးဆု၊သင်တန်းသားစံပြဆုတွေပေးအပ်တာ၊ သစ္စာရေသောက်တာတွေပြုလုပ်ခဲ့တယ်လို့ဆိုပါတယ်။
KNDF အမှတ် ၁၄ တပ်ရင်းမှာ ၄နှစ်တာကာလတိုက်ပွဲတွေအတွင်း ကျဆုံးအာဇာနည်သူရဲကောင်းဆယ့်သုံးဦးရှိခဲ့ပြီး ကိုယ်လက်အင်္ဂါဆုံးရှုံးခဲ့ရတဲ့ရဲဘော် လေးဦးရှိခဲ့တယ်လို့လည်းရှိပါတယ်။
အဲဒီတပ်ရင်းလေးနှစ်ပြည့်အခမ်းအနားကို ရှေ့တန်းရောက်ရဲဘော်တွေမတက်ရောက်နိုင်တာများခဲ့ပေမယ့် ဖိတ်ကြားထားတဲ့ဧည့်သည်တွေနဲ့ ဒေသခံပြည်သူတွေအပါအဝင် လူငါးရာကျော်တက်ရောက်ခဲ့တယ်လို့ ဆိုပါတယ်။
Comments 2
Thanks for sharing. I read many of your blog posts, cool, your blog is very good. https://www.binance.com/bn/register?ref=WTOZ531Y
I don’t think the title of your article matches the content lol. Just kidding, mainly because I had some doubts after reading the article. https://accounts.binance.com/da-DK/register-person?ref=V3MG69RO