Border News Agency
စစ်ကိုင်း၊ ဇွန် ၉။
အမျိုးသားစည်းလုံးညီညွတ်ရေးနဲ့ ငြိမ်းချမ်းရေးဖော်ဆောင်မှု ညှိနှိုင်းရေးကော်မတီ (NSPNC) က နိုင်ငံရေးပြဿနာတွေကို နိုင်ငံရေးနည်းလမ်းနဲ့ ဖြေရှင်းဖို့အတွက် လာမယ့်ဇူလိုင်လ ၂၁ ရက်နေ့ကစပြီး ငြိမ်းချမ်းရေးဆွေးနွေးပွဲတွေကို တက်ရောက်ဖို့ ဖိတ်ခေါ်ခဲ့ပါတယ်။
အဲဒီဖိတ်ခေါ်ချက်နဲ့ ပတ်သက်ပြီး NCA လက်မှတ်ထိုးထားတဲ့ တိုင်းရင်းသားလက်နက်ကိုင်အဖွဲ့ ၇ ဖွဲ့ က ကြိုဆိုခဲ့တယ်လို့ပြောလိုက်ပါတယ်။
NSPNC ဘက်က 7 EAO ထဲက အဖွဲ့တခုချင်းစီကို သီးခြားစီ ဖိတ်ခေါ်တာဟာ အဖွဲ့အသီးသီးရဲ့ သဘောထားတွေကို နားလည်နိုင်ဖို့အတွက် ဖြစ်သလို ငြိမ်းချမ်းရေးအပေါ်မှာ သူတို့ဘက်က စိတ်အားထက်သန်နေတယ်ဆိုတာကို ပြသတာလို့ 7 EAO ခေါင်းဆောင် ဗိုလ်မှူးကြီးစိုင်းငင်းက မြင်ပါတယ်။
အခုလိုဖိတ်ခေါ်ချက်ကို 7 EAO အဖွဲ့တွေဘက်ကလည်း ကိုယ့်အဖွဲ့အစည်းအသီးသီးမှာ ပြန်လည်ဆွေးနွေးခဲ့ကြပြီး ငြိမ်းချမ်းရေးလုပ်ငန်းစဉ်မှာ ဘယ်သူတွေပါဝင်သင့်တယ်ဆိုတာကို ထည့်သွင်းစဉ်းစားပြီး ဆက်လက်ဆောင်ရွက်သွားဖို့ သဘောတူထားကြတယ်လို့ သိရပါတယ်။
အဲဒီအပြင်ငြိမ်းချမ်းရေးလုပ်ငန်းစဉ်ဖော်ဆောင်ရာမှာတော့ သဘောတူညီချက်တွေကို အမြန်ဆုံးအကောင်အထည်ဖော်နိုင်ဖို့အတွက် ပွင့်ပွင့်လင်းလင်း ဆွေးနွေးသွားမှာဖြစ်ပြီး လုပ်ငန်းစဉ်မှာ အခက်အခဲတစုံတရာရှိလာရင်လည်း အပြန်အလှန်ညှိနှိုင်းပြီး ဆက်လုပ်သွားမယ်လို့ ဆိုပါတယ်။
အဲဒီဆွေးနွေးပွဲတွေမှာ နှစ်ဦးနှစ်ဖက် သဘောတူညီချက်တွေကို အမြန်ဆုံး အကောင်အထည်ဖော်နိုင်ဖို့ မျှော်လင့်ထားပြီး ငြိမ်းချမ်းရေးလုပ်ငန်းစဉ်တွေမှာ အခက်အခဲမရှိဘဲ ချောမွေ့အောင်မြင်စွာ ဆောင်ရွက်နိုင်ဖို့အတွက်လည်း အားလုံးကို ညှိနှိုင်းတိုင်ပင်သွားဖို့ ဗိုလ်မှူးကြီးစိုင်းငင်းက ပြောကြားသွားခဲ့ပါတယ်။
