Border News Agency
မြောက်ဦး၊ သြဂုတ် ၁ ရက်။
ရက္ခိုင်အမျိုးသားအဖွဲ့ချုပ်/အာရက္ခတပ်တော်(ULA/AA )ရဲ့ဆယ်ကြိမ်မြောက် သ တင်းစာရှင်းလင်းပွဲကို လာမယ့်ဩဂုတ် လ ၁၁ ရက်၊တနင်္လာနေ့ မနက် ၁၀ နာရီအချိန်မှာ ပြုလုပ်သွားမယ်လို့ သြဂုတ်လ ၁ ရက်၊ဒီနေ့ထုတ်ပြန်ပါတယ်။
အဲဒီသတင်းစာရှင်းလင်းပွဲကို အရင်လို ရက္ခိုင်ဘာသာစကားနဲ့ ပြုလုပ်သွားမည်ဖြစ်တယ်လို့ဆိုပါတယ်။
သတင်းထောက်တွေဟာ သတင်းစာရှင်းလင်းပွဲကိုတက်ရောက်နိုင်ဖို့အတွက် ဒီလင့်ခ် (https://forms.gle/9FkNHENUvZ9R1sMp9)မှ တဆင့် စာရင်းသွင်းဖို့လိုအပ်တယ်လို့ ဆိုပါတယ်။
စာရင်းသွင်းထားတဲ့သတင်းထောက်တွေကိုသာတက်ရောက်သတင်းရယူခွင့်ပေးသွားမှာဖြစ်သလို သတင်းစာရှင်းလင်းပွဲကို Email က တဆင့်လိုအပ်တဲ့အချက်အလက်တွေကို ပေးသွားမယ်လို့ဆိုပါတယ်။
အဲဒီမှာ မေးချင်တဲ့မေးခွန်းတွေကို ဩ ဂုတ်လ ၅ ရက်၊အင်္ဂါနေ့နောက်ဆုံးထားပြီး press.ula.aa@protonmail.com ကတဆင့်ပို့ပေးနိုင်တယ်လို့ဆိုပါတယ်။
သတ်မှတ်ရက်ကျော်ပြီးမှ ပေးပို့လာတဲ့မေးခွန်းတွေကို ခုသတင်းစာရှင်းလင်းပွဲမှာ လက်ခံဖြေကြားသွားမှာမဟုတ်သလိုမေးခွန်းတွေကိုကြိုပြီး ပို့ထားဖို့လိုအပ်တယ်လို့ဆိုပါတယ်။
သတင်းထောက်တဦးကို မေးခွန်းနှစ်ခုသာလက်ခံသွားမှာဖြစ်သလို ထပ်ဆင့်မေးခွန်းတခုကိုလည်း ခွင့်ပြုပေးသွားမယ်လို့ဆိုပါတယ်။
အဲဒီလိုကန့်သတ်ထားရတာဟာ တခြားသတင်းထောက်တွေကိုအချိန်ပေးနိုင်ဖို့အတွက်ဖြစ်တယ်လို့ ဆိုကြပါတယ်။
အာရက္ခတပ်တော်ရဲ့နဝမအကြိမ်မြောက် သတင်းစာရှင်းလင်းပွဲကို ပြီးခဲ့တဲ့ ၂၀၂၄ ခုနှစ်၊ဇွန်လ ၈ ရက်၊စနေနေ့မှာ ပြုလုပ်ခဲ့တာဖြစ်ပါတယ်။
အဲဒါကြောင့် သတင်းစာရှင်းလင်းပွဲကို တနှစ်၊နှစ်လ၊လေးရက်အကြာမှာ ဆယ်ကြိမ်မြောက်ပြုလုပ်မှာဖြစ်ပါတယ်။
အာရက္ခတပ်တော်ဟာ ပလက်ဝဒေသအပါအဝင် ဆယ့်ငါးမြို့နယ်ကို အပြီးသတ်သိမ်းပိုက်ထိန်းချုပ်ထားပြီး သုံးမြို့နယ်သာ တိုက်ခိုက်သိမ်းပိုက်ဖို့ကျန်နေပါတယ်။
