Border News Agency
မြောက်ဦး၊ သြဂုတ် ၁၅။

အာရက္ခတပ်တော်ထိန်းချုပ်နယ်မြေတွေမှာ ဟောင်းနွမ်းငွေစက္ကူတွေကို လက်မခံရင် အာရက္ခပြည်သူ့တော်လှန်ရေးအစိုးရမှ အရေးယူမယ်လို့ သြဂုတ်လ ၁၅ ရက်၊ဒီနေ့ထုတ်ပြန်ပါတယ်။

အာရက္ခဒေသမှာမြန်မာငွေစက္ကူတရာကျပ်၊ နှစ်ရာကျပ်၊ ငါးရာကျပ်၊ တထောင်ကျပ်၊ ငါးထောင်ကျပ်၊ တသောင်းကျပ် စတဲ့ဟောင်းနွမ်းငွေစက္ကူတွေကိုလက်မခံတာ၊ အသုံးပြုလို့မရတာတွေကို တွေ့ရတယ်လို့ ဆိုပါတယ်။

အဲဒါကြောင့်ငွေစက္ကူရှားပါးမူတွေကို ရင်ဆိုင်နေရပြီး ​ပြည်သူတွေရဲ့အကျပ်အတည်းကို ဖြေရှင်းဖို့အတွက် ဟောင်းနွမ်းငွေစက္ကူတွေကို အသုံးပြုဖို့လိုအပ်တယ်လို့ ဆိုပါတယ်။

ပြည်သူတွေကြား အရောင်းအဝယ်ပြု လုပ်ရာမှာ အလွန်တရာစုပ်ပြဲနေတဲ့ငွေ စက္ကူတွေမဟုတ်ပဲ သာမာန်ဟောင်းနွ မ်းနေတဲ့ငွေစက္ကူတွေ၊ထင်သာမြင်သာ၊အစစ်အမှန်ငွေစက္ကူတွေကို အသုံးပြုရမယ်လို့ ဆိုပါတယ်။

“ကုန်သည်တွေက ငွေအရမ်းရွေးပါတ ယ်။တခါတလေအဆင်မပြေတာရှိပါတ ယ်။ကျွန်တော်တို့က အတတ်နိုင်ဆုံးအ ကောင်းပဲပေးပါတယ်။စုတ်ပြဲနေတာက အသုံးမဝင်ဘူးဆိုရင်တောင် လက်ခံပါတယ်။ဟောင်းနွမ်းစွန်းထင်းနေတာတွေအသုံးမဝင်ဘူးပြောတာကို လက်မခံချ င်စရာပါ။ကျွန်တော်ကတော့ နားလည်မှုနဲ့ယူစေချင်ပါတယ်။ဈေးတွေမှာလည်း တာဝန်ရှိသူတွေက စွန်းထင်းဟောင်း နွမ်းငွေတွေကို လက်ခံဖို့သတိပေးပါတယ်။” လို့ ကျောက်တော်မြို့နယ်မှ ငွေလွှဲငွေထုတ်လုပ်ကိုင်နေသူတဦးက Border News Agency ကို ပြောပါတယ်။

အာရက္ခစစ်ပွဲစတင်ပြီးနောက် စစ်ကော် မရှင်က လျှပ်စစ်မီး၊ဖုန်းလိုင်း၊အင်တာနက်လိုင်းတွေဖြတ်တောက်လိုက်သလိုဘဏ်စနစ်တွေလည်း အားလုံးရပ်တန့်သွားခဲ့ပါတယ်။

အဲဒါကြောင့် အာရက္ခတပ်တော်ထိန်းချု ပ်နယ်မြေတွေမှာ မြန်မာကျပ်ငွေတွေဟာ ငွေသားရှားပါးမှုတွေဖြစ်လာခဲ့သ လို အွန်လိုင်းငွေကြေးစီးဆင်းမှုတွေလ ည်းခက်ခဲသွားခဲ့ပါတယ်။

အဲဒါကြောင့် မြန်မာကျပ်ငွေရှားပါးမှုပြ ဿနာကိုဖြေရှင်းဖို့ ဟောင်းနွမ်းစုပ်ပြဲငွေစက္ကူတွေကို အသုံးပြုကြဖို့ အာရက္ခပြည်သူ့တော်လှန်ရေးအစိုးရက ဖြေရှ င်းတောင်ရွက်ပေးတာဖြစ်ပါတယ်။

အာရက္ခတပ်တော်ထိန်းချုပ်နယ်မြေတွေမှာ သာမန်ဟောင်းနွမ်းငွေစက္ကူတွေ၊ငွေစက္ကူအစစ်တွေကိုလက်ခံသုံးစွဲကြဖို့လိုအပ်တယ်လို့ ဆိုပါတယ်။

အဲဒီဟောင်းနွမ်းငွေစက္ကူတွေကို လက်ခံအသုံးမပြုကြဘဲ ငြင်းဆန်သူတွေကို နီးစပ်ရာ မြို့နယ်အုပ်ချုပ်ရေးရုံး၊မြို့ နယ်စည်ပင်သာယာရေးရုံတွေမှာ သွား ရောက်တိုင်ကြားနိုင်တယ်လို့ဆိုပါတယ်။

အာရက္ခအဆုံးအဖြတ်စစ်ပွဲမှာ အာရက္ခတပ်တော်ဟာ ပလက်ဝဒေသအပါအဝ င်တဆယ့်ငါးမြို့နယ်ကို အပြီးသတ်သိ မ်းပိုက်ထားပြီး အာရက္ခပြည်သူ့တော် လှန်ရေးအစိုးရအဖြစ်အုပ်ချုပ်ရေးယန္တရားတွေဖော်ဆောင်နေပါတယ်။